دبلۆماتکارەکێ ئەمریکی:ل ماوێ ڤان دو سالێن بهێت دا دەولەتا کوردستانێ دێ هێتە راگەهاندن
ئەڤرۆ نیۆز،زنار تۆڤی:
دبلۆماتکارەکێ ئەمریکی دیارکر،کو دەولەتا کوردستانێ دێ هەر هێتە راگەهاندن و ئەمریکا هایداری ل سەر بابەتی هەنە.
پیتەر گالبرەیت، دبلۆماتکارێ ئەمریکی بۆ رۆژنامەیا هابەر تورک گۆتیە:کوردستانیان ریفراندۆم بۆ سەرخوەبوونێ ئەنجامدایە و ئەمریکا ژی هایداری ل سەر وی بابەتی هەیە، هەروەسا دزانیت راگەهاندنا دەولەتا کوردستانێ نێزیک بوویە و د هەیاما دو سالێن بهێن دا، ب رێکەفتن ل گەل بەغدا، دەولەتا کوردستانێ دێ هێتە راگەهاندن.
هەروەسا ئاماژە ب هندێ دایە کو ئیدارەیا دۆنالد ترامپی،سەرۆکێ ئەمریکا ب چو رەنگان دژی وێ ریفراندۆمێ نەبوو،لێ ب تنێ ئەمریکا دژی ژڤانێ وێ ریفراندۆمێ بوو و دخواست بهێتە پاشخستن.
گالبرەیت دبلۆماتکارەکێ دیار یێ ئەمریکا یە و ل هەر ئێک ژ وەلاتێن کرواتیا و ئەفغانستانێ کارکریە.
