دناڤبه‌را مانێ و هالاند ریال مه‌درید ئێك ژ ئه‌وان هه‌لبژارت
ئه‌ڤرۆ نیوز:
راپورتێن رۆژنامه‌ڤانى ل ئیسپانیا دیاركرینه یانه‌یا ریال مه‌درید دو هێرشبه‌رێن به‌رنیاس ل سه‌ر ئاستێ ئورۆپا ده‌ست نیشانكرینه بۆ هه‌ڤبه‌ستێ ل گه‌ل ئێك ژ ئه‌وان ئیمزا بكه‌ن ل ڤه‌گوهاستنێن بهێت دا.
زێده‌تر ئه‌وان رۆژناما دیاركریه هه‌ر چه‌نده راهێنه‌رێ یانه‌یا ریال مه‌درید و به‌رپرسێن ریال مه‌درید ل ماوێ بورى گرنگیه‌كا مه‌زن ب ئیمزاكرنا ستێرا سینگالى و لیڤه‌رپول سادیو مانێ دابوو لێ به‌رپرسێن ریال بریارا خوه گوهورى یه و نوكه پتر گرنگى ب شیانێن یاریزانێ نه‌رویجى و یانا بوروسیا دورتموند هالاند دایه ژبه‌ركو بهایێ ڤه‌گوهاستنا ئه‌وى گه‌له‌ك ژ یا مانێ كێمتره و نوكه ب مه‌كینا گولا ل ئورۆپا دهێته هژمارتن.
ئاماژه ب وێ چه‌ندێ ژى هاتیه‌كرن بوو ڤه‌گوهاستنا هالاند بتنێ ریال مه‌درید پێدڤى ب 50 ملیون جینێ ئیسترلینى یه به‌رامبه‌ر بۆ ڤه‌گوهاستنا مانى یانا ریال مه‌درید پێدڤى یه 100 ملیون جینێ ئیسترلینى پێشكێشى یانا لیڤه‌رپول بكه‌ت .
