دنيمارك پێنگاڤا ئێكێ ب سه‌ركه‌فتیانه هاڤێت
ئه‌ڤرۆ نیوز، زنار:
هه‌لبژارتیێ دنيمارك سه‌ركه‌فتنه‌كا گرنگ لسه‌ر هه‌لبژارتیێ پیرو توماركر ب گۆله‌كێ بێ به‌رامبه‌ر د یاریا وان دا ئه‌وا به‌رى ده‌مه‌كێ كێم ب دوماهى هات ژ كوما چارێ یا موندیالا روسیا 2018.
د نیڤا ئێكێ دا هه‌ردو تیمان زێده‌تر یارى ل نیڤا یاریگه‌هێ دكر و چه‌ندین جاران شیان ده‌لیڤێن مه‌ترسیدار لسه‌ر گۆلا هه‌ڤدو په‌یدا بكه‌ن لێ هه‌مى هێرشێن وان بێ مفا بون و نیڤا ئێكێ ب وه‌كهه‌ڤى بێ گۆل ب دوماهى هات.
د نیڤا دویێ دا هه‌ردو تیمان ده‌ست ب رێكخستنا هێرشان كر د هێرشه‌كا هه‌ڤدژ دا یاریزانێ دنيمارك یورارى ل ده‌قیقه‌یا 59 ژ یاریێ گۆلا ئێكێ و سه‌ركه‌فتنێ بۆ وه‌لاتێ خوه توماركر و ده‌مێ ماى ژ یاریێ چو گوهۆرین په‌یدا نه‌بون تاكو یارى ب فیركا دادڤانى ب دوماهى هاتى و دنيمارك سێ خال گرنگ مسوگه‌ر كرن.
