دهۆكییەك پۆستەكێ بلند د فدراسیۆنا كیكبۆكسینگا ئیراقێ دا وەردگریت
ب فەرمی كوڕێ باژێرێ دهۆكێ مەحفوز ئیبراهیم بۆ ئەندام د فراسیۆنا یارییا كیك بۆكسینگا ئیراقێ دا پشتی ژ سەرجەمێ 56 دەنگان یێن دەستەیا گشتی 53 دەنگ ب دەستڤە ئینایین، د هەلبژارتنێن وەرزێ نوو دا ئەوا ل پایتەختێ ئیراقێ هاتینە كرن تێدا قاسم ئەلواستی پۆستێ خوە وەكو سەرۆك یانە پاراست.
لدۆر ڤێ یەكێ د دیدارەكا تایبەت دا مەحفۆز ئیبراهیم گۆت: پێخوەشحالم بۆ جارا چارێ یە وەكو ئەندام د ناڤ فدراسیۆنا كیكبۆكسینگا ئیراقێ دهێمە هەلبژارتن، سوپاس بۆ هەموو ئەوا هەڤال و ئەندامێن دەستەیا گشتی باوەری دایە من، پێنەڤێت ئەڤ چەندە ژی دێ بەرپرسیارەتییا من مەزنتر لێكەت بۆ چار سالێن داهاتی كو بشێم باشتر خزمەتا وەرزشا ڤێ یاریێ بكەم.
ژلایەكێ دووڤە ناڤهاتی گۆت: هەلبەت وەكو ئەندام و نوونەرێ پارێزگەهێ و كوردستانی دڤێت ب بەرنامە و پلانێن ڕێكخستی بۆ چار سالێن بهێت بدانم باشترین شێوە خزمەتا یاریزان، یانە و دادڤان و ڕاهێنەرێن كوردستانێ و پارێزگەهێ بكەین و ببنە پرەك كو ب گەهنە پلێن باشتر و پشكداریێن دەرڤە، هەروەسان دێ هەموو بزاڤان كەم قارەمانیێن ئیراقی و نێڤدەولەتی پشكەكا وان ل كوردستانێ و پارێزگەها دهۆكێ بهێتە كرن، بۆ مە گرنگ ئەوە پێشئێخستنا ڤێ یاریێ یە و ڕژدین ل سەر ڤێ ئارمانجێ.
