دهۆك بۆ پاراستنا سه‌رێ لیستى و زێره‌ڤانى بوو سه‌ركه‌فتنا ئێكێ یاریێن خوه كه‌ن
ئه‌ڤرۆ،هه‌ژار مه‌عروف:
هه‌ردو نوونه‌رێن پارێزگه‌ها دهۆكێ د قوناغا دووماهیێ یا خولا پلا نایاب ل سه‌ر ئاستێ لاوان بریاره سوباهى یاریێن خوه ئه‌نجامدان ژ چارچوڤێ یاریێن گه‌را سیێ كو دهۆك تیما دهۆك سه‌ركێشا ڤێ قوناغێ دێ یاریا خوه ل پیرمام به‌رامبه‌ر لاوێن پێشمه‌رگا هه‌ولێرێ كه‌ن و ل یاریگه‌ها خوه تیما زێره‌ڤانى بوو قه‌ره‌بولكرنا خوساره‌تیا حه‌فتیا بورى دێ مێڤانداریا نه‌وروز كه‌ت.
تیما دهۆك ئه‌وا ل دو یاریێن بورى چار خال كومكرین دێ سوباهى ل یاریگه‌ها پێشمه‌رگا هه‌ولێرێ هه‌مى شیانێن خوه ته‌رخان كه‌ت ب ئه‌نجامه‌كێ باش ژ پیرمام ڤه‌گه‌ریت و به‌رده‌وامى ب ده‌ته ئه‌نجامێن خوه یێن باش كو دڤێ یاریێ دا لاوێن دهۆك دێ یاریێ كه‌ت بێ خوساره‌تى ڤه‌گه‌ریت بوو وێ چه‌ندێ به‌رده‌وامى ب ده‌ته سه‌ركێشیا خولێ ، ژلایه‌كێ دویڤه نوونه‌را دوێ یا پارێزگه‌ها دهۆكێ یانا زێره‌ڤانى دێ ل یاریگه‌ها خوه مێڤانداریا یانا نه‌وروز كه‌ت كو دڤێ یاریێ دا یانا زێره‌ڤانى دێ یاریێ كه‌ت بوو قه‌ره‌بولكرنا خوساره‌تیا حه‌فتیا بورى ل گه‌ل دهۆكێ به‌رامبه‌ر نه‌وروز ئه‌وا بێ سه‌رپه‌رشتیا راهێنه‌رێ خوه سه‌فا كو ماوه‌كێ درێژه ئه‌و راهێنه‌ر سه‌رپه‌رشتیا ئه‌وێ تیمێ كه‌ت دێ یاریێ به‌رامبه‌ر یانا زێره‌ڤانى كه‌ت ژبه‌ركو ستاڤێ راهێنه‌ریا لاوێن نه‌وروز هاتنه سه‌رئێخستن بوو راهێنه‌ریا تیما ئێكێ پشتى راهێنه‌رێ تیما ئێكێ ده‌ست ژ كاركێشانا خوه راگه‌هاندى و دڤێ یاریێ دا لاوێن زێره‌ڤانى ده‌لیڤه‌كا باش هه‌یه ئه‌ڤێ خالێ ب ده‌رفه‌ت بینن و سه‌ركه‌فتنا خوه یا ئێكێ ل ڤێ قوناغێ توماربكه‌ن
