دهۆك دێ سێ یاریزانێن پیشهكار ئینت و كهمپێ راهێنانێ دانیت
ئهڤرۆ،
چاڤهڕێ دهێته كرن د ماوێ بهێت ههتا حهفتیا بهێت یانا دهۆك سێ یاریزانێن پیشهكار بینیته دناڤ رێزێن تیما خوه یا تهپا پێی دا و كهمپێ راهێنانێ ل وهلاتێ توركیا ب دانیت خوه بهرههڤكرن بۆ ههردو یاریێن چارهنڤیس و ڤهبڕ ژ ڤاڤارتنێن دهربازبوونێ بۆ پلا نایابا ئیراقێ، ئهوا بڕیاره یاریا ئێكێ ل گهل یانا ناسریه ل باژێرێ بهغدا ئێكێ ههیڤا بهێت بكهت و سهركهفتی دێ یاریا دویێ و دهربازبوونێ ل گهل یانا ئهمانهت بهغدا ل ههشتێ ههمان ههیڤ ئهنجامدهت ژبۆ دهستنیشانكرنا پلێتا ئێكانه بۆ نایابا ئیراقێ.
ل دور دووماهی بهرههڤیێن دهۆكێ سلێمان رهمهزان راهێنهرێ تیمێ بۆ رۆژناما ئهڤرۆ گۆت: ههر ژدهستپێكا راهێنانێن تیمێ و هاتنا هژمارهكا باش یا یاریزانان مه بهرنامه و پلانێن تایبهت داناینه كو ل دووڤ دهمهكێ دیاركری بشێن تیما خوه ب باشترین شێوه بۆ ههردو یاریێن چارهنڤیس بهرههڤ بكهین و كارگێریا یانێ ژی ب ههردوملان كارهكێ مهزن دكهن پێخهمهت تیم ب گههیته ئاستێ پێدڤی و ل دووڤ حهز و ئارمانجێن مه و كارگێریێ و یاریزانان بن، سهرباری تیمهكا نوو یه و پێدڤی ب دهمی ههیه لێ ههموو بزاڤێن مه ئهون بگههینه ئارمانجا خوه.
ژلایهكێ دووڤه ناڤهاتی دیاركر بۆ ماوێ دو حهفتیانه بهرههڤیێن خوه دكهن و ئینانا هژمارهكا باش یا یاریزانێن خودان شیان ل دووشهمبیا بوری یاریهكا ههڤالینی وهكو تاقیكرن ل گهل تیمهكا مووسلێ هاته ئهنجامدان و شیاین چهند خالێن هێزێ و كێماسیێ ژی دهست نیشان بكهین و گۆت: مه ل بهره سێ یاریزانێن پیشهكار دناڤ رێزێن تیما خوه دا زێدهكهین و ههتا نوكه گههشتینه رێكهفتنێ ل گهل ئێك ژ یاریزانان ئهوژی نۆرو سۆلێ كو ل وهرزێ بوری ژی ل گهل تیمێ بوو، ئهم چاڤهڕێ كهمپهكێ راهێنانێ نه نێزكترین دهم ل وهلاتێ توركیا بهێته دانان ژبۆ بجهئینانا بهرنامێ خوه یێ بهرههڤیان و ههرسێ پیشهكار ژی بگههنه دناڤ كهمپێ دا، لێ ههكه كهمپه نه هاته دانان دێ پلانێن مه بهردهوامبن كو ب شێوهكێ دی ژبۆ باشترین بهرههڤی بكهین پێخهمهت بگههینه ئارمانجا خوه ئهوژی پلێتا دهربازبوونێ بۆ نایابا ئیراقێ.