دهۆك دێ بزاڤێن به‌رده‌واميا سه‌ركێشيا كۆمێ كه‌ت
ئەڤرۆ:
بریارە ئەڤرۆ و سوباھی یاریێن گەرا دووماھیێ ژ قوناغا ئێکێ یا خۆلا ھەرێما کوردستانێ یا تەپاپێی بو یانێن پلا نایاب بھێنەکرن ل یاریگەھا خوە دھۆکێ دێ مێڤانداریا کەرکوک کەت و زێرەڤانی و سلێمانی د گوپیتکا یاریێن ڤێ گەرێ دا ل یاریگەھا زێرەڤانی ھێتەکرن و زاخۆ دێ د ڤێ گەرێ دا چاڤەرێ بیت.
ل یاریگەھا خوە سەرکێشا خۆلێ تیما تەپاپێی یا یانا دھۆک دێ مێڤانداریا یانا کەرکووک کەت د یاریەکا گرنگ دا، دڤێ یاریێ دا دھۆک دێ ھەمی ھەولێن خوە مەزێخیت وەک سەرکێشا خولێ قوناغا ئێکێ بدووماھیک بینیت و ھەڤرکیا ھەمی کاودانێت نەخووش یێن نوکە یانە تێدا دبوریت بکەت و سەرکەفتنێ توماربکەت.
بو ڤێ یاریێ دھۆک دێ پشت بەستنێ لسەر ھێزا ھێلا خوە یا ناڤین کەت و مەترسیا ھێرشبەرێن خوە و ھەمی پێشبینی بو سەرکەفتنا وێ دچن.
لدور ڤێ یاریێ یاریکەرێ یانا دھۆک دلوڤان سالح بو رۆژناما ئەڤرۆ گوت:مە بەرھەڤیێن باش بو ڤێ یاریێ کرینە چنکو دزانین کەرکووک باش کارێ خوە کریە و چەندین یاریکەر ل تیما خوە زێدەرکینە یێن پیشەکار لێ مەژی ھیڤیی ھەنە سێ خالێن یاریێ بدەستخوڤە بینین و سەرکێشیێ ب پارێزین.
زێدەتر دلوڤانی گوت: دێ یاریەکا ب زەحمەت بیت چنکو ھەرتیمەکا یاریێ بەرامبەری مە بکەت بو وێ دەستکەفتەکێ مەزنە سەرکەفتنێ لسەر مەبینیت و دێ ھەمی ھەولا مەزێخن کو خالەکێ د یاریگەھا مەدا ژ مە وەرگرن .
د یاریەکا دی دا و د گوپیتکا یاریێن ڤێ گەرێ دا یانا زێرەڤانی ئەوا سەرکێشیا خولێ ژدەست دای دێ مێڤانداریا یانا سلێمانیێ کەت و چو کێماسی د تیمێ دا نینن و دێ یاریەکا پری ھێز و ھەڤرکی بیت و زێرەڤانی دێ ھەمی ھەولێن خوە مەزێخیت بسەرکەڤیت بو وێ چەندێ زێدتر گڤاشتنێ بێخیتە سەر سەرکێشا خولێ.
لدور ڤێ یاریێ ھاریکارێ راھێنەرێ یانا زێرەڤانی غەزوان محەمەد حاجی گوت: مە رێزەکا مەزن بو تیما سلێمانیێ یا ھەی چنکو تیمێن وەک سلێمناییێ ناڤەکێ مەزنە و چاڤێ مە ل ئەنجام و رێزبەندیا وێ نینە و دبینم دێ یاریەکا ب زەحمەت بیت بومە لێ مە بەرھەڤیێت باش کرینە و مە چو کێماسی نینن.
زێدەتر ناڤبری گوت:دێ یاریێ بو سێ خالان کەین لێ ھەمی دەما وەک خواستا مروڤی کاودان ھاریکارنینن لێ ھەر چەوابیت دێ ھەولێن مەزن مەزێخین قەرەبوویا دو خالێن یاریا بوری کەین.
ژلایەکێ دووڤە نوونەرا سیێ یا پارێزگەھا دھۆک یانا زاخۆ دڤێ حەفتیێ دا دێ یا چاڤەرێ بیت چنکو یاریا وێ بەرامبەر یانا برۆسکە ئەوا خوە ڤەکێشای ژ خولێ.
