دهۆک: پارچە شوونوارەكێ دو هزار سالی هاتە دیتن
ئەڤرۆ نیوز، زنار:
رێڤەبەریا شوونواران ل پارێزگەها دهۆكێ دیتنا پارچەكا شوونواران ل گرێ بالیۆز راگەهاند، كو ژیێ وێ پارچێ بۆ پێشی دو هزار و 181 سالان ڤەدگەریت.
د. حەسەن ئەحمەد قاسم رێڤەبەرێ شوونۆارێن دهۆێ راگەهاند: ئەو پارچا ل گرێ بالیۆز ب دووراتیا 10 كیلۆمەتران ل رۆژئاڤایێ باژێرێ دهۆکێ هاتیە دیتن، گرنگیەكا مەزن یا هەی بۆ مێژوو و شارستانیەتا كوردستانێ.
هەروەسا گۆتیە: كو تێكستەك ب زمانێ (هێلینستی) ل سەر هاتیە نڤێسین، پشتی ئەو نڤیسینە ژ ئالیێ شارەزایێن شوونواران ڤە هاتیە وەرگێران، دیاربوویە کو ناڤێ پاشا (سیلوقی هیلنستی دیمتریوس) ئەوێ ل سالا 165 ل پێشی زایینێ حوكومرانی ل ڤێ دەڤەرێ كری، ب رێنڤیسا گریكیا كەڤن ل سەر هاتیە نەخشاندن.
