ده‌زگەهێ هێزا نێڤده‌وله‌تى:راگرتنا نه‌فتا كوردستانێ دێ كاریگه‌ریەکا خراب بۆ سه‌ر ئورۆپا هەبیت
ئەڤرۆ نیۆز،زنار تۆڤی:
ده‌زگەهێ هێزا نێڤده‌وله‌تى،ئەڤرۆ پێنجشه‌مبی 12/ 10/ 2017) هۆشدارى ژ راگرتنا هنارتنا نه‌فتا هه‌رێما كوردستانێ دا و روونکریه،کو راگرتنا نه‌فتا هه‌رێمێ دێ كاریگه‌ریەکا خراب بۆ سه‌ر وەلاتێن ئورۆپی هەبیت.
د راپۆرتا هەیڤانە یا وی ده‌زگەهی دا کو ل؛هەیڤا چریا ئێکێ هاتییه:ژبەر هندێ تاکو نوکە هنارتنا نه‌فتا هه‌رێما كوردستانێ ب رێیا بۆریێ دناڤبەرا كه‌ركووكێ و به‌نده‌رێ جیهان یێ توركى دا یا به‌رده‌وامه،لەورا هه‌ر راگرتنەك دێ زیانێ گەهینیتە هه‌ولێرێ.
هەروەسا ئاماژه ب هندێ دایە کو:راگرتنا نەفتێ ژبلی کو دێ زیانێ گەهینیتە هه‌رێمى كوردستان،هەڤدەم دێ كێشه‌کا مەزن بۆ بکرێن ئورۆپی ژی دروست کەت،کو یا سەرەکی ئیتالیا یه،ئه‌ڤە ژبلی كرواتیا و یۆنان و ئیسپانیا،وی دەزگەهی دیارکریە،کو پێدڤیە ئه‌و كۆمپانیێن نەفتێ یێن ل هه‌رێما كوردستانێدا كار د‌كه‌ن،ئەو ژی ب هه‌مان شێوه نیگه‌ران بن.
پێشتر كۆمپانیا رۆزنه‌فت یا رووسی، ئاشكرا کربوو،کو پلانەکا هەڤبه‌ش ل گه‌ل هه‌ولێرێ دا هه‌یه و سالا 2019 دێ بۆریەکێ بۆ هنارتنا غازێ ب رێیا توركیا بۆ ئورۆپا دا‌مه‌زرینیت،د ڤی چارچۆڤەی دا هه‌ردو لایه‌نا رێككه‌فتن بۆ بەرفرەهکرنا هاریكاریێ د وارێ لێگەریان و به‌رهه‌مهئنانا هایدرۆكاربۆنى و بازرگانیێ و لۆجیستى ئیمزا كریە.
