ده‌مژمێره‌كا دى ئه‌نجوومه‌نێ وه‌زیرێن هه‌رێمێ ل دۆر مووچان دێ كۆم بيت
ئه‌ڤرۆ نیوز:
عه‌بدولره‌حمان عه‌بدولره‌حیم وه‌زیرێ هه‌رێمێ بۆ كارۆبارێن ژینگه‌هێ راگه‌هاند: بڕیاره ئه‌ڤرۆ ل ده‌مژمێر 10 ئه‌نجوومه‌نێ وه‌زیرێن هه‌رێمێ ب سه‌رۆكایه‌تیا نێچیرڤان بارزانى، چه‌ند پرسه‌كێن گرێداى ره‌وشا ناڤخوه یا هه‌رێمێ شروڤه بكه‌ت و بریارێ ل سه‌ر شێوازێ به‌لاڤكرنا مووچێ فه‌رمانبه‌ران بده‌ت.
وه‌زیرێ هه‌رێمێ بۆ كارۆبارێن ژینگه‌هێ دیاركر ژى ل ژێر ئه‌نجامێن وێ ووركشۆپا حكومه‌تا هه‌رێمێ سه‌باره‌ت كێشێن دارایى ساز كرى، دێ شێوازێ به‌لاڤكرنا موچێ فه‌رمانبه‌ران بۆ هه‌یڤێن بهێت دیار بیت و بریار ل سه‌ر هێته دان.
نێچیرڤان بارزان سه‌رۆكێ حكومه‌تا هه‌رێما كوردستانێ بۆ رووداو دیاركربوو: ل ڤان رۆژان دێ جاره‌كادى ده‌ست ب به‌لاڤكرنا مووچێ فه‌رمانبه‌ران هێته كرن.
گه‌له‌ك پێشنیاز بۆ هه‌لگرتنا مووچێ فه‌رمانبه‌ران یێن هه‌ین، كو ئێك ژ وان پێشنیازان ئه‌وه مووچێ فه‌رمانبه‌ران ل دووڤ رێژا مووچه‌ى بهێته هه‌لگرتن، كو فه‌رمانبه‌رێن مووچێ وان 500 هزار ده‌ستكارى نه‌هێته كرن، به‌لێ یێن موچێ وان ژ 500 هزار دیناران زێده‌تر ژ 20 تاوه‌كو 70% پارێ وان وه‌ك ده‌ین دێ ل ده‌ف حكومه‌تێ هێته هه‌لگرتن.
