ده‌مێ پاقژكرنا بته‌مامی یا تكریت ژ داعش هاته ده‌سنیشانكرن
ئه‌ڤرۆ نیوز: ڤه‌ده‌ر ره‌شاڤایی:
ژێده‌ره‌كی ژ هێزێن ئیراقی راگه‌هاند كو پشتی هیرَشێن هێزێن ئیراقی بۆ ده‌مه‌كی ل تكریت هاتیه راگرتن ژ ئه‌نجامێ ته‌كتیكێن داعش ژ تێنتیكرنا جادان و ئاڤاهییان، د ماوێ 72 ده‌مژمێرێن داهاتی دا تكریت دێ ب ئێكجاری ژ داعش هێته پاقژكرن .
كه‌ریم نوری سه‌ركرده‌كێ ملیشییایێن به‌در كو د ئوپه‌راسیونا زگاركرنا تكریت رۆله‌كێ سه‌ره‌كی هه‌یه، خویاكر كو وان خوه وه‌سا ئاماده‌كریه رزگاركرنا تكریت دماوێ سێ رۆژان دا ئانكو 72 ده‌مژمێران دا بته‌مامی بجه بینن و داعش ل وی باژێری ژ ناڤ ببه‌ن.
هێزێن ئیراقی كو پرانییا وان ژ حه‌شدا شه‌عبی پێكدهێن نیڤه‌كا تكریت گرتیه لێ ژ ئه‌نجامێ بكارئینانا ته‌كتیكێن تێنتی كرنێ ژ ئالیێ داعش ڤه پێشڤه‌چوونا وان ل وی باژێری هاتیه راگرتن.
