ده‌نگۆباسه‌كێ گرنگ بۆ نه‌خوه‌شێن شه‌كرێ
ئه‌ڤرۆنيۆز:
خاوليه‌كا ئه‌لكترۆنى يا تايبه‌ت ب تووشبويێن نه‌خوه‌شيا شه‌كرێ هاتيه دروستكرن كو بۆ ده‌مێ 20 چركان دشێت ئاگه‌هداريا وان بكه‌ت ئايا چ برينه‌كا يا تايبه‌ت ب وێ نه‌خوه‌شيێ دناڤ پێيێن وان دا هه‌يه يان نه.
ئه‌ڤ خاوليه ل دووڤ پلێن گه‌رمێ كاردكه‌ت ودشێت خالێن گه‌رم يێن پنێ پێى ديار بكه‌ت كو ئه‌گه‌رێ برينا ناڤه‌كى يا تايبه‌ت ب نه‌خوه‌شێ شه‌كرێ دناڤدا هه‌بوون هه‌يه، بۆ وێ چه‌ندێ به‌رى سه‌رهلدانا وێ برينێ، بشێن سه‌ره‌دانا نوشدارى بكه‌ن وچاره‌سه‌ريێ وه‌ربگرن.
هه‌كه رێژا نه‌خوه‌شيا تووشبوويێن نه‌خوه‌شيا شه‌ركێ بلند ببيت، تووشى برينه‌كا كووردبن پيستێ دبن، كو ئه‌ڤ برينه رێگريێ دكه‌ت كو پێ ئوكسجينا پێدڤى وه‌رگريت، ژبه‌ر ڤێ چه‌ندێ زانايان ئه‌ڤ خاوليه يا دروستكرى كو دو حه‌فتيان به‌رى سه‌رهلدانا برينێ، ئه‌و خاولى نه‌خوه‌شى ئاگه‌هداردكه‌ت كو پێدڤيه سه‌ره‌دانا نوشدارێ خوه يێ تايبه‌ت بكه‌ت.
نه‌خوه‌شێن شه‌كرێ هه‌كه ڤێ خاوليێ بكاربينن دڤێت رۆژانه بۆ ده‌مێ 20 چركان ل سه‌ر ب راوه‌ستن، پاشى هه‌كه رۆناهيه‌كا كه‌سك ژخاوليێ ده‌ركه‌فت، رامانا وێ ئه‌وه چو برينه‌ك د پێ نه‌خوه‌شى دا نينه، به‌لێ هه‌كه رۆناهيه‌كا سوور بيت، پێدڤيه ب زووترين ده‌م نه‌خوه‌ش سه‌ره‌دانا نوشدارێ خوه‌يێ تايبه‌ت بكه‌ت وب گونجايترين شێواز رێگريێ ل سه‌رهلدان وگه‌شه‌كرنا وێ برينێ بكه‌ت.
