دورتموند بهایێ فروتنا سانشو ئاشكرا كر
ئه‌ڤرۆ نیوز:
ستێرا ئنگلیزى و یانا بوروسیا دورتموند جادون سانشو نوكه بوویه جهێ گرنگیا هژماره‌كا مه‌زن یا یانێن به‌رنیاس ل سه‌ر ئاستێ ئورۆپا و تایبه‌ت یانێن ئنگلیزى .
رۆژناما تایمز یا بریتانى ئاشكراكریه به‌رپرسێن یانا بوروسیا دورتموند بهایێ فروتنا ئه‌وى یاریزانى ده‌ست نیشانكریه و دیاركریه هه‌ر یانه‌كا حه‌زا ئیمزاكرنا هه‌ڤبه‌ستا سانشو هه‌بیت پێدڤى یه كوژمێ 125 ملیون یورۆیا پێشكێشى ئه‌وان بكه‌ن وه‌كو بهایێ هه‌لوه‌شاندنا هه‌ڤبه‌ستا وى یاریزانى.
هه‌ژى گوتنێ یه نوكه هه‌ردو جه‌مسه‌رێن ئیسپانیا ریال مه‌درید و به‌رشه‌لۆنا هه‌ردیسان هه‌ر ئێك ژ یانێن لیڤه‌رپول و چێلسى و مانچێسته‌ر یونایتد هه‌ڤركیا ده‌ستڤه ئینانا ئه‌ڤى یاریزانى كه‌ن هه‌ردیسان پاریس یا فره‌نسى و میونیخ یا ئه‌لمانى.
