دوماهى هاتنا خوله‌كا ژبه‌ركرنا قورئانێ بو 264 زاروكان
ئه‌ڤرۆ نیوز، نه‌وزاد هلۆرى:
ب مه‌ره‌ما ژبه‌ركرنا قورئانا پیروز و په‌روه‌رده‌كرنا زاروكان لسه‌ر بنه‌ماێن ئاینى و ره‌وشتى، ئه‌ڤرۆ خوله‌كا ژبه‌ركرنا قورئانا پیروز بو 264 زاروكان ل ناحیا دینارته دوماهى هات.
دڤى واریدا” شه‌عبان خه‌لیل به‌روارى ” رێڤه‌به‌رێ ناحیا دینارته بۆ ئه‌ڤرۆ نیوز گۆت: (ماوێ دوو هه‌یڤ و نیڤه خوله‌كا ژبه‌ركرنا قورئانا پیروز بو زاروكێن سنوورێ ناحیا دینارته ژلایێ ئه‌وقافا ئاكرێ هاتیه ڤه‌كرن و ئه‌ڤرۆ خول ب دوماهى هات)
زێده‌تر گۆت: (باوه‌رنامه و خه‌لات لسه‌ر زاروك و ماموستایێن وان هاتنه دابه‌شكرن، و زێده‌بارى ژبه‌ركرنا خولێ چه‌ندین وانه‌یێن ره‌وشتى و ئاینى ژى ژلایێ وان ماموستایان ڤه بو وان زاروكان هاتنه گوتن)
به‌روارى د درێژاهیا ئاخفتنێن خودا دیاركر ژى كو د خولێ دا كور و كچ پشكداربوون كو پرانیا وان ژى ل سه‌نته‌رێ ناحیا دینارته‌بوون.
