دووماهى ده‌نگوباس ل دۆر نيمارى
ئه‌ڤرۆ نيوز:
دانوستاندنێن هه‌ردو يانێن به‌رشه‌لونا يا ئيسپانى و باريس سان جيرمان يا فره‌نسى ل دۆر نيمارى پێشڤه‌چوونه‌كا نوو و ئه‌رێنى ب خوه‌ڤه ديت.
تۆرا (سكاى سپۆرت) ئه‌ڤرۆ پێنجشه‌مبى 29/8/2019 د ده‌نگوباسه‌كێ ب له‌ز دا ل سه‌ر به‌رپه‌رێ خوه ل تويته‌رى به‌لاڤكر” نيمار دێ ڤه‌گه‌ريت به‌رشه‌لونا، هه‌ردو يانێن به‌رشه‌لونا وباريس سان جيرمان گه‌هشتنه رێككه‌فتنێ ل دۆر ڤه‌گوهاستنا نيمارى”.
ژ لايه‌كێ دى ڤه راهێنه‌رى يانا باريس سان جيرمان يا فره‌نسى (توماس توخيل) راگه‌هاند” نيمار پشكداريێ د ياريا سوباهى ئه‌ينيێ هه‌مبه‌رى يانا ميتز ناكه‌ت د چارچۆڤێ گه‌را چارى ژ خۆلا فره‌نسى”.
نيمارى هه‌تا نوكه پشكدارى ل گه‌ل يانا باريس سان جيرمان د خۆلا نوو يا فره‌نسى دا نه‌كريه كو يانا سان جيرمان هه‌تا نوكه سێ يارى ئه‌نجامداينه، هه‌روه‌سا نيمارى پشكدارى د ياريا سۆپه‌ر يا فره‌نسى دا نه‌كر.
