دو ئافرەت و زەلامەک برینداربوون
ئەڤرۆ نیوز، نەوزاد ھلۆری:
ئەڤرو روژا پێنجشەمبی ل سەر رێیا گشتی یا زاخۆ ژ ئەنجامێ روودانەکا ترافیکێ سێ کەس بریندربوون.
موقەدمێ مافپەروەر ئازاد تەھا، بەرپرسێ راگەھاندنا ھاتنوچوونا دھۆکێ بۆ ئەڤرۆ نیوز دیار کر کو ئەڤرۆ سپێدێ روژا پێنجشەمبی ل سەر جاددا سەرەکی یا گەلیێ زاخو، ل نێزیک پانزینخانا نەورۆز ترومبێلەک ژ جۆرێ تەکسی کرۆلا ل بن کونترۆلا شۆفێری دەرکەفت و د ئەنجامدا وەرگەریا.
ناڤھاتی خویا کر کو ژ ئەنجامێ وێ روودانێ سێ کەس برینداربوون کو ئەو ژی زەلامەک و دو ئافرەت بوون، ھەر چەندە رەوشا وان یا باشە، بەلێ بۆ نەخۆشخانێ ھاتنە ڤەگوھاستن و گۆت: ” زیانێن ماددی بەر ب ترۆمبێلێ ژی کەفتینە و ئەو دخوارن کو شوفێر ئاگەھدارێ خوە بن و لەزاتیێ بکار نەئینن داکو گیانێ وان ب سلامەت بت”.