دو خویشكا ناسناڤێ قارهمانیا ئیراقێ ب دهستڤه ئینا
ئهڤرۆ،
ههردو خویشكێن ئێك هانا و لارا ئاڤدهل یاریزانێن یانا دهۆكێ كۆنترۆل ل سهر قارهمانیا ئیراقێ كرن و ناسناڤ ب دهستخوهڤه ئینا پشتی شیاین د یاریێن دووماهیێ دا سهركهفتن ل سهر ههڤڕكێن خوه و ههردو خویشكا ئالا و وهلا ناسر بینن، د یاریێن واندا ئهوا ل سهر ئهردێ یاریگهها یانا دهۆك ب پشكداریا 21 یاریزانێن كچ سهر ئاستێ ئیراقێ هاتینه ئهنجامدان.
ل سهر ئاستێ 14 سالی و كێمتر ئهوا نهه یاریزانا پشكداربووین هاتبوونه بهلاڤكرن ل سهر سێ كۆما، هانا ئاڤدهل شیا د یاریا دووماهیێ دا ناسناڤێ قارهمانیێ ب دهستڤه بینت ب سهركهڤیت ل سهر ههڤڕكا خوه وهلا ناسر بینت ب دو كۆما بێ بهرامبهر، ژلایێ خوهڤه خویشكا وێ لارا ئاڤدهل بۆ ئاستێ سهر 15 سالی ناسناڤێ ئاستێ خوه دهستڤه ئینا ب سهركهفتی ل سهر ئالا ناسر ب دو كۆما بێ بهرامبهر ئهوا 12 یاریزانان پشكداری كرین ب سهرپهرشتیا ئێكهتیا تێنسا ئهردی یا ئیراقێ و ههڤكاری ل گهل ئێكهتیا پارێزگههێ و نوونهراتیا دهۆك یا لژنا ئۆلمپیا كوردستانێ هاتیه ئهنجامدان.
لدور ڤان دهستكهفتان ئاڤدهل حهسهن راهێنهرێ ههردو یاریزانان بۆ رۆژناما ئهڤرۆ گۆت: ناسناڤێ ههردو یاریزانێن مه ب ههروهیی نه هاتیه بهلكۆ ب زهحمهت و راهێنانێن بهردهوام و رژدی بۆ ناسناڤی هاتیه، ئێك ژ بهێزترین قارهمانیێن ئیراقێ بوو ژبهركو پرانیا باشترین یاریزانێن سهر ئاستێ ههلبژارتیێ ئیراقێ پشكداربوون، ئهڤچهنده ژی دیاردكهت كو كچێن مه خودان شیان و ئاستێ نێڤدهولهتی یا ههیی و یاریزانێن ههلبژارتیێ ئیراقێ نه، ب هیڤی نه بناڤێ دهۆكێ و پارێزگههێ ئهنجامێن مهزن د ههلكهفتێن نێڤدهولهتی ب دهستخوهڤه ئینن.