دو مەزنێن ئیتالیا ھەڤرکیا ریال دکەن بوو دەستڤە ئینانا ڤی ستێرا توتنھام
ئەڤرۆ نیوز:
ل ھاڤینا بھێت یانا ریال مەدرید ھژمارەکا یاریزانێن بەرنیاس کرینە ئارمانجا خوە کو ئێک ژ ئارمانجێن ئەوان ستێرا دانمارکی و یانا توتنھام کریستیان ئاریکسن لێ رۆژنامەکا برێتانی دیارکریە دو یانێن مەزن ب فەرمی ھاتینە دناڤ ھەڤرکیا دەستڤە ئینانا وی یاریزانی دا ل گەل یانا ریال مەدرید .
زێدەتر رۆژناما میرو یا برێتانی دیارکریە ھەر ئێک ژ یانێن یوڤانتوس و ئەنتر میلان داخوازن ل ھاڤینا بھێت ھەڤبەستێ ل گەل کریستیان ئاریکسن ئیمزا بکەن و کوژمەکێ مەزن یێ پارەی بوو ئەوی یاریزانی بەرھەڤکریە و بایرن میونیخ ژی ھزر ل ئینانا ئەوی یاریزانی کریە .
زێدەتر ئەوێ رۆژنامێ ئاشکراکریە ژی ھەر چەندە د ھزرا یانا توتنھام دا نینە ئەوی یاریزانێ خوە بفروشیت لێ ئەو دێ نەچار بن ھەکە ل ماوێ بھێت ئەوی یاریزانی ھەڤبەستا خوە ل گەل یانێ درێژ نەکر ئەو ل ھاڤینا بھێت بفروشن ژبەرکو ھەڤبەستا ئەوی یاریزانی ل وەرزێ دیڤدا دێ ب دووماھیی ھێت و ژ ترسا چونا وی ب ھەڤبەستەکا سەربەست دێ نەچار بن ئەوی یاریزانی بفروشن .
ھەژی گوتنێ یە ریال مەدرید ل دەستپێکا وەرزێ ئەڤ سالە ئەڤ یاریزانە کریە ئارمانجا خوە تایبەت پشتی وەرزێ ئەڤ سالە ئاستێ تونی کروس نەمایە وەکو جاران ھەردیسان وەکو پێگوھورەکێ باش ل پاشەرۆژی ل جھێ مودرێچ ئەوێ ژیێ وی بەر ب ٣٣ سالی ڤە چووی .
