دو پیشەکارێن یانا دھۆک دێ ڤەگەرن
ئەڤرۆ:
پشتی زێدەتر ژ دەە رۆژان بێنڤەدان بوو ھاتیە دان ژلایێ دەستەیا کارگێریا یانێ ڤە ژبەر راوستاندنا خولا عیراقێ، بریارە ل ڤێ حەفتیێ جارەکا دی ھەردوو پیشەکارێن سوری یێن یانا دھۆک عەبدوناسر حەسەن و بورھان سەھیونی ب ڤەگەرنە باژێرێ دھۆکێ و پەیوەندی ب راھێنانێن تیمێ بکەن پشتی کارگێریا یانێ پەیوەندی پێ کری.
د داخویانیەکێ دا عەبدوناسر حەسەن یاریکەرێ تیمێ ژ وەلاتێ سوریا بۆ رۆژناما ئەڤرۆ دیارکر بێنڤەدانا وان ب دووماھی ھاتیە و بریارە ل ڤێ حەفتیێ ب گەھنە باژێرێ دھۆکێ و پەیوەندی ب راھێنانێن تیمێ بکەن و ژلایێ شیانێن لەشی ڤە ئەو یێ بەرھەڤە ژبەرکو وی بەردەوام راھێنانێن خوە ل گەل یانەکا سوری کرن.
دھێتە زانین پشتی یانا دھۆک کەڤتیە د قەیرانا دارایی دا ١٤ یاریکەران تیما دھۆک ب جە ھێلا بتنێ سێ یاریکەر ماینە ل گەل تیمێ ئەوژی عەبدوناسر حەسەن، برھان سەھیونی و عەلی عیسام.
