دو کەس د خابیری دا خەندقین
ئەڤرۆ نیوز، نەوزاد هلوری:
ئێڤارە درەنگی یا ئەڤرۆ دو وەلاتی ل دەڤەرا گولیا سەر ب ناحیا باتیفا د رووبارێ خابیری دا خەندقین، هەتا نوکە تەرمێن وان د رووباری دا نەهاتینە دەرئینان.
نزار مەجید، وەلاتیەکێ باتیفایە بۆ ئەڤرۆ نیوز گوت: (ئەڤرو ئێڤاری ب درەنگی ئەم هاتینە ئاگەهدارکرن کو دو وەلاتی ل نێزیگ گوندێ نزورێ کەفتینە د رووبارێ خابیری دا و خەندقینە).
زێدەتر گوت:( هەتا نوکە چو زانیاری ل سەر وان هەردو کەسان نینن، کا ژیێ وان چەندە و ناڤێن وان چ نە وكا ئەگەرێ خەندقینا وان چی یە، بەلێ یا دهێتە زانین ئەوە کو خەلکێ باکوورێ کوردستانێ نە، هەتا نوکە تەرمێن وان نەهاتینە دیتن).
