دو یاریزانێن نوو بۆ یاریا سوباهى ل گه‌ل زاخۆ دێ د به‌رهه‌ڤبن
زاخۆ,هشیار دوبانكى:
ژڤانه سوباهى ل ده‌مژمێر دوو نیڤ تیما ته‌پا پێ یا زاخۆ ل یاریگه‌ها خوه یا نیڤده‌ولى مێڤانداریا یانا كاره‌با بكه‌ت ژ چارچوڤێ یاریێن گه‌را شازدێ ژ خولا نایابا عیراقێ .
دڤێ یاریێ دا یانا زاخۆ دێ هه‌مى بزاڤێن خوه ته‌رخان كه‌ت بوو سه‌ركه‌فتنا خوه یا سیێ و خوه ژ رێزێن پاشیێ دوربكه‌ت ژبه‌ركو یارى بوو یاریێ یانێن دووماهیێ ره‌وشا ئه‌وان باشتر لێ دهێت به‌روڤاژى یانا زاخۆ كو ئه‌نجامێن ئه‌وێ به‌روڤاژى هه‌ڤركیێن ئه‌وێ نه .
رێڤه‌به‌رێ تیما زاخۆ یێ ته‌پا پێ ردوان نازى ل دور دووماهى به‌رهه‌ڤیێن تیمێ بۆ رۆژناما ئه‌ڤرۆ گوت: پشتى وێ خوساره‌تیا نه چاڤه‌رێكرى ل گه‌ل جه‌ویه ل حه‌فتیا بورى ده‌سته‌یا كارگێریا یانێ كومبوون ل گه‌ل ستاڤێ راهێنه‌رى و یاریزانێن تیمێ كریه و هه‌ردیسان كارگێریێ بوو یانێ دیاركریه هه‌ر خوساره‌تیه‌كا یانه دناڤ یاریگه‌ها خوه دا بده‌ت دێ 40% موچه‌یێ ئه‌وان سزاده‌ین ژبه‌ركو هه‌ر خوساره‌تیه‌كا تیما مه ل یاریێن بهێت بده‌ت دێ ره‌وشا مه گه‌له‌ك لاواز بیت بوو پاشكه‌فتنێ .
هه‌ردیسان ناڤبرى ئاشكراكر ژى بوو ڤێ یاریێ یاریزانێ تیمێ روماریو گوركیس و ئه‌حمه‌د خالد دێ د به‌رهه‌ڤبن هه‌ردیسان پشتى یاریا كاره‌با یاریزانێن پیشه‌كار ژى دێ د به‌رهه‌ڤبن كو ئیمبو سه‌یڤه‌دین شه‌مارى دێ د به‌رهه‌ڤبن هه‌ردیسان ل گه‌ل دو یاریزانێن دى ژى ئه‌و گه‌هشتى نه رێككه‌فتنێ ل نێزیك ئه‌وژى دێ په‌یوه‌ندى ب یانێ كه‌ن.
ژلایه‌كێ دویڤه حه‌كیم حاجى شاره‌زایه‌كێ ته‌پا پێ ل باژێرێ زاخۆ دیاركر یارى بوو یاریێ یانێن هه‌ڤركیا داكه‌فتنێ دكه‌ن خالێن خوه زێده دكه‌ن به‌رامبه‌ر یانا زاخۆ ل چه‌ند یاریێن دووماهیێ خال ژ ده‌ستداینه ئه‌ڤ چه‌نده دێ مه‌ترسى ئێخته سه‌ر پاشه‌رۆژا یانێ هه‌ردیسان و هه‌ر ئه‌نجامه‌كێ نه چاڤه‌رێكرى د ڤێ یاریێ دا دێ تیما زاخۆ كه‌ڤته د مه‌ترسیا داكه‌فتنێ دا .
