دو یانێن ئینگلیزی ھەڤرکیا یاریزانەکێ ناپولی کەن
ئەڤرۆ نیوز:
یانا چێلسی یا ئێنگلیزی دەست ب لڤینا کریە پێخەمەت ب جە ئینانا حەزا خوە یا مەزن ژبو ئیمزاکرنا ھەڤبەستا یاریزانێ ھێلا ناڤینا یانا ناپولی یا ئیتالی ئامادو دیاوارا ل ماوێ ڤەگوھاستنێن زڤستانێ تایبەت پشتی راپورتێن روژنامەڤانیا بریتانی ئاشکەراکرین کو ڤی یاریزانێ نێڤدەولەتی یێ غینی ئاستەکێ بلند نیشاندایە تایبەت پشتی ژ یانا بولونیا ھاتیە ڤەگوھاستن بو ناپولی ب کوژمێ ١٣ ملیون جونەیھێن ئسترلینی و دیسان پێشکەفتنێن مەزن ب خوەڤە دیتین کو بەری دو سالان ڤی یاریزانی ل ناڤا رێزێن یانا سان مارینو د خولا پلا چارێ دا یاری دکر.
ئەف بزاڤێن یانا چێلسی و راھێنەرێ وێ ئەنتونیو کونتی ھاتینە پێش تایبەت پشتی ل ماوێ بوری نەشیاین رازیبونا یاریزانێن ھێلا بەرەڤانیێ ئەلیسو رومانیولی ژ میلان و کالیدو کولیبالی ژ ناپولی ب دەستڤە بینت.
یانا چێلسی نە یا ب تنێ یە حەزا ئیمزاکرنا ھەڤبەستا باشترین یاریزانێ نوو پێشکەفتی ئیمزا بکەت بەلکو یانا توتنھام ھوتسپێر ژی حەزا خوە دیرکریە و بەری نوکە کوژمێ ٣٤ ملیون جونەیھان بو ئیمزاکرنا ھەڤبەستا وی پێشکێشکرینە، لێ ژلایێ یانا ناپولی ھاتیە رەتکرن و ب کێمتر ژ ٤٠ ملیونا رازینابیت یاریزانێ وێ یێ ١٩ سالی یاریگەھا سان پاولی ب جە بھێلیت.
