دو یانێن ھەرێمێ سوباھی چاڤ ل دەربازبوونێ یە
چاڤەرێ دھێتەکرن سوباھی یاریێن گەرا چارێ و بەری دووماھیێ ژ قوناغا کومان یا خۆلا پلا ئێک یا عیراقێ بھێنەکرن بۆ دەربازبوونێ بۆ خۆلا پلا نایاب کو دڤێ قوناغێ دا دو یانێن ھەرێما کوردستانێ تێدا د پشکدارن ئەوژی یانێن ھەولێر و برایەتی کو ھەولێر یاریێن خوە ل یاریگەھا خوە کەت و برایەتی ل کوما دوێ دا یە یاریێن خوە ل بەغدا ئەنجام دەت.
بریارە سوباھی شەش یاری ژ ھەردو کومان بھێنەکرن کو د کوما ئێکێ دا یانا ھەولێر سەرکێشا کومێ بریارە یاریەکا گرنگ ل گەل یانا قاسم بکەت کو ب سەرکەفتنا یاریا سوباھی یانا ھەولێر دێ قاسم ژ ھەڤرکیا دەربازبوونێ بێ بارکەت تیما ھەولێر ژ بلی سەرکەفنێ چو ھیڤێن دی نین ژبەرکو ھەڤرکا وێ یانا دیفاع مەدەنی ژی سوباھی ب سەرکەفتنێ یان وەکھەڤیێ دێ ھیڤێن دەربازبوونێ ھەبن کو ئەوژی بریارە سوباھی یاریا خوە ل گەل یانا موسل بکەت و د یاریەکا دی دا ھەردو یانێن میسان و سلێخ دێ ل گەل ئێک کەن کو ھەتا رادەیەکێ مەزن ھەردو یانان ھیڤێن دەربازبوونێ ژ دەستداینە .
ژلایەکێ دیڤە د یاریێن کوما دوێ دا بریارە یانا برایەتی یاریا خوە بەرامبەر یانا عەفک بکەت کو یانا برایەتی پێدڤی ب سەرکەفتنێ یە د ھەمان دەم دا چاڤێ وێ دێ ل یاریا سیناعە و کەرخ بەت کو ھەردو یانە ھەڤرکیێ ل سەر دەربازبوونێ کەن و د یاریەکا دی دا ھەردو یانێن رومادی و ناسریە دێ ل گەل ئێک کەن بۆ باشکرنا ھەلویستێ خوە د کومێ دا ھەکە ھەردو یانان ھیڤێن دەربازبوونێ نەماینە.
ھەژی گوتنێ یە ھەر کومەکێ ئێک یانە دەربازی خۆلا پلا نایابا عیراقێ بوو وەرزێ ٢٠١٨-٢٠١٩ بیت
ھەلویستێ ھەردو کومان ب ڤی رەنگی یە
کوما ئێکێ
ھەولێر ٧ خال
دیفاع مەدەنی ٧ خال
قاسم ٦ خال
موسل ٢ خال
میسان ٢ خال
سلێخ . خال
کوما دوێ
کەرخ ٩ خال
سیناعە ٦ خال
برایەتی ٦ خال
عەفک ٤ خال
ناسریە ١ خال
رومادی ٠ خال
