دڤێت ئه‌نجامده‌رێن تاوانا په‌قاندنا بۆڕیا غازا هه‌رێمێ بهێنه دادگه‌هكرن
ئه‌ڤرۆ نیۆز، قائید میرۆ:
په‌رله‌مانتاره‌كێ پارتی ئاماژه ب وێ چه‌ندێ دكه‌ت، ئه‌و كه‌سێن بۆڕیا غازا هه‌رێمێ ل كێلگه‌ها كۆرمۆ په‌قاندی مینا داعشه و پێدڤیه گوره‌ی قانوونا تیرۆرێ بهێته دادگه‌هیكرن.
دكتۆر فرسه‌ت سۆفی، په‌رله‌مانتارێ پارتی ل په‌رله‌مانێ كوردستانێ ب ئه‌ڤرۆ نیۆز راگه‌هاند” ئه‌و كه‌سێن ده‌ست هه‌بووی ل په‌قاندنا بۆڕیا غازا هه‌رێما كوردستانێ ل ناحی شوان، چو جۆداهیا وان كه‌سان دگه‌ل تیرۆرستێن داعش نینه ، ژبه‌ركو كاره‌كێ زۆر دڕه‌ندانه و هوڤانه ئه‌نجامدایه.
سۆفی دیاركر” داخوازێ دكه‌م ئه‌نجامده‌رێن تاوانا په‌قاندنا بۆڕیا غازا هه‌رێمێ بهێنه ئاشكراكرن و گوره‌ی قانوونا تیرۆرێ بهێنه دادگه‌هیكرن”.
