دڤێت د زووترین دەم دا یاسایا ئاشتیێ دەرکەڤیت
ل باژێرێ ئامەدێ پتر ژ سەد رەوشەنبیر، نڤیسەر و هونەرمەندێن کورد و تورک دیار کرن دڤێت قووناغا ئاشتیێ بەردەوام بیت و بگەهیتە ئەنجامەک باش و ژ بۆ ڤێ یەکێ ژی گرنگە د زووترین دەم دا یاسایا ئاشتیێ ل پەرلەمانێ تورکیا دەرکەڤیت.
ل ئامهدێ 127 نڤیسهر، هونهرمهند و رهوشهنبیرێن کورد و تورک ل سهر قووناخا ئاشتیێ و برایەتیێ داخویانیهکا ههڤپشک بهلاڤ کرن، داخویانیا ئاشتیێ ژ ئالیێ نڤیسهر حهسهن ئۆزگونهش ڤه هاته خواندن.
حهسهن ئۆزگونهش ڕاگههاند کو خهباتا ئاڤاکرنا ئاشتیێ ژ ئالیێ گهلێ کورد ڤه ب رژدی دهێته مهشاندن و گۆت: (هاته دیتن کو ب سیاسهتا ئاسیملاسیۆنێ، شهر و توندوتیژیێ پرسا کوردی چارەسەر نابیت و گهلێ کورد ل ههمبهرێ شهڕی و سیاسهتا ئاسیملاسیۆنێ بهرخوه دایه و بهردهوام ڕژدیێ ل ئاشتیێ و دیالۆگێ کریه، بۆ ڤێ چهندێ ژی د قووناغا نها دا ژی ههول ددهت ب ئاشتیێ و برایەتیێ پرسا کوردی بهێته چارەسەرکرن.)
ئۆزگونهش ههروهسا ڕاگههاند ژی کو ل ههر چار پارچهیێن کوردستانێ د ڕهوشا نها دا ژی شهر بهردهوامه، لێ گهلێ کورد ل ههر چار پارچهیێن کوردستانێ ژی داخوازا ئاشتیێ و چارهسهریا سیاسی دکهت و گۆت: (گهلێ کورد ب ڤین و ئیرادهیا خوه ئاشتی و پێکڤهژیان ههلبژارتیه و سیاسهتا کوردان ل ههر جههکی بۆ ڤێ یهکێ یه کو گهلێ کورد ژ شهر و ئالۆزیێن ل ههرێمێ دوور بکەڤن. کوردان شهڕ نەڤێت و گەلێ کورد بزاڤا ڤێ یەکێ دکەت خوه بگههینیتە ئاشتیێ و د ڤێ مژارێ دا سیاسهتهکا هەری راست ژی برێڤە دبەت و دڤێت ئهڤ ههولدانا کوردان بهێته دیتن).
نڤیسهرێ کورد د دووماهیا ئاخڤتنا هەڤپشک دا ژی سهرنج ڕاکێشا سهر گهنگهشێن ل سهر یاسایا ئاشتیێ و ڤهگهرا ئەندامێن پەکەکێ بۆ تورکیا و ڕاگههاند کو دڤێت دۆرپێچا ل سهر عهبدوللا ئۆجهلان بهێته راکرن و دەرگەهێ ئیمرالیێ بهێته ڤهکرن، بەری نها بەرپرسێن تورکیا گەلەک سۆز داینە و مخابن هەتا نها چو نەهاتیە کرن و گۆت: (بۆ سهرخستنا قووناغا ئاشتیێ و برایەتیێ پێدڤی ب ڕۆلێ کاریگهر یێ عهبدوڵا ئۆجهلان ههیه و بۆ ڤێ چهندێ ژی دڤێت گرنگی ب رۆلێ ئۆجەلانی بهێتە دان و ئاستەنگی ل هەمبەر هەڤدیتنێن وی ل گەل شاندێ ئیمرالیێ نەهێتە دروست کرن، چونکی پێدڤیا تورکیا ب ئاشتیێ هەیە و کورد ژی بەرهەڤن هەموو پرسێن هەی ب ئاشتیێ چارەسەر بکەن، ڤێجا گرنگە دەولەتا تورکیا ژی ب رۆلێ خوە رابیت و ئاستەنگان دروست نەکەت، چونکی هەتا نها ب کریاری ژ ئالیێ دەولەتا تورکیا ڤە چو نەهاتیە کرن و ئەو یەک ژی بوویە جهێ دلگرانیا جڤاکێ تورکیا).
