دکتۆر ئدریس کۆچەر: پێکئینانا حوکمەتا عێراقێ دێ کاریگەری لسەر رەوشا ئابووری ھەبیت
ئەڤرۆ نیۆز، قائید میرۆ:
بڕیارە حوکمەتەکا نوو ل عێراقێ بھێتە پێکئینان و بسپۆرەکێ ئابووری ژی ئاشکراکر، پێکئینانا کابینا نوو یا حوکمەتا عێراقێ دێ کاریگەری لسەر رەوشا ئابووری ھەبیت.
دکتۆر ئدریس کۆچەر، بسپۆرێ ئابووری بۆ ئەڤرۆ نیۆز دیارکر” پێکئینانا کابینا نوو یا حوکمەتا عێراقێ دێ کاریگەریێن زۆر ھەبن لسەر رەوشا عێراقێ و ھەرێما کوردستانێ، چونکە ھەردەمێ ولات د قەیرانا سیاسی دا بیت کاریگەریێن خراپ لسەر کەرتێ ئابووری و کەرتێن دیژی ھەیە، بەرۆڤاژی سەقامگیریا سیاسی ئەگەرەکێ سەرەکیە بۆ پەیداکرنا سەقامگیریا ئابووری و گەشەیا ئابووری.
ئەڤی بسپۆرێ ئابوری گۆت” ھەتا ھەرێما کوردستانێ رێککەفتن دگەل حوکمەتا بەغدا ھەبیت ئاریشەیێن مووچەی ژی تا رادەیەکی نابن، ژ بەر کو داکەفتنا بھایێ پەتڕۆلێ ھند کاریگەری نابن.
دکتۆر ئدریس کۆچەر ئاماژەکر” بلندبوونا بھایێ پەتڕۆلێ و پێکئینانا کابینا حوکمەتا عێراقێ دو ئەگەرێن سەرەکینە بۆ گەشەکرنا رەوشا ئابووری و مەترسیێن سەر مووچێ فەرمانبەران ژی دێ ھێنە کێمکرن.