دھۆک ئەڤرۆ د بزاڤێن ڤەگەراندنا ھەیبەتا خوە دا
ئەڤرۆ نیوز، ھەژار مەعروف
تیما تەپا پێ یا دھۆک بریارە ئەڤرۆ ل دەمژمێر ٢:٠٠ پشتی نیڤرۆ ل یاریگەھا زانکویا بەغداد ل جادریە یاریا خوە یا قوناغا ھەشتێ ژ کاسا عیراقێ یا تەپا پێ بەرامبەر یانا ختوت بکەت کو ئێک ژ یانێن خۆلا پلا ئێک یا عیراقێ .
تیما دھۆک ئەوا نوکە د رەوشەکا لاواز دا بوریت دخۆلا عیراقێ دا دێ ھەمی بزاڤا کەت ب رێیا ڤێ قارەمانیێ و یاریا بەرامبەر ختوت ھەیبەتا خوە یا جاران ڤەگەرینتە ڤە و سەرکەفتنێ ل سەر یانا ختوت توماربکەت و دەربازی قوناغا پێش دووماھیا کاسا عیراقێ بیت ھەر چەندە دڤێ یاریێ دا دو یاریکەرێن تیما دھۆک نەشێن پشکداریێ بکەن ئەوژی سالمون تاجی یێ غانی ژبەر نەبوونا فیزا عیراقێ و ھەردیسان ئوسامە محەمەد ژبەر ھنگافتنێ .
ھەژی گوتنێ یە یاریا دوێ بریارە ل یاریگەھا یانا دھۆک بھێـتەکرن ل ٢٧-١٢-٢٠١٥ و سەرکەفتنی ھەردو یاریان دێ گەھیتە قوناغا پێش دووماھیێ دێ ل گەل سەرکەفتی یاریا کەرخ و جەویە کەت.