دھۆک بۆ جارا ئێکێ ل ئەڤ سالە دێ یاریێ ژ دەرڤەی یاریگەھا خوە کەت
ئەڤرۆ نیوز، ھەژار مەعروف:
چاڤەرێ دھێتەکرن تیما تەپا پێ یا دھۆک سوباھی یاریا خوە یا گەرا شەشێ ژ خولا پلا نایاب یا عیراقێ بکەت دەمێ دبیتە مێڤانا تیما تەپا پێ یا نەفت میسان ل یاریگەھا لیمونە ل باژێرێ عومارە کو دبیتە ئێکەم یاریا دھۆکێ ل وەرزێ ئەڤ سالە ژ دەرڤەی ھەرێما کوردستانێ کەت پشتی ل چار یاریێن بوری ل ھەرێمێ کرین کو سێ ژ وانا ل یاریگەھا دھۆکێ بوون.
د ڤێ یاریێ دا تیما دھۆک ئەرکێ وێ یێ ب سانەھی نابیت دەمێ بەرامبەر ھەڤرکا خوە نەفت میسان کەت کو ئەڤێ تیمێ بەرھەڤیێن باش ھەنە ل وەرزێ ئەڤ سالە زێدەباری چار پیشەکارێن خودان شیان یێن ھەلبژارتیێ لوبنانی ل گەل دا ھەنە ل دور ڤێ یاریێ راھێنەرێ یانا دھۆک باسم قاسم د داخویانیەکێ دا بۆ مالپەرێ ئەڤرۆ نیوز گۆت: “ئەرکێ مە سۆباھی دێ گەلەک یێ ب زحمەت بیت ژ بەر کو کرنا یاریێ ل یاریگەھێن پارێزگەھا گەلەک یا ب زحمەتە رەوشا ھونەری یا تیما مە تێدا بوریت گەلەک یا باشە، بەلێ رەوشا دارایی یا لاوازە ھەتا نوکە یاریکەران ھەڤبەستێن خوە نە وەرگرتی نە ئەڤێ چەندێ ژێ کارتێکرنەکا دەروونی یا مەزن یا ل سەر یاریکەران کری”.
تیما تەپا پێ نوکە سەرێ لیستەیا کۆما دویێ دھێت ب کۆمکرنا ١٠ خالان و تیما نەفت میسان چاار خال ھەنە ژ چار یاریان.