دھۆک دێ کۆنفرانسێ ھۆنەرمەندان گێریت
ئەڤرۆ:
سەرۆکێ لقێ دھۆکێ یێ سەندیکا ھونەرمەندێن کوردستانێ ئاشکراکر کو وەک لقێ دھۆکێ یێ سەندیکا ھونەرمەندان پشتی چەندین جاران نڤیسین داینە ئەنجوومەنێ ھونەرمەندان کو لدووڤ پەیرەوێ ناڤخوە یێ سەندیکایێ ئەنجامدانا کونگرێ ھونەرمەندان ب سەر ڤەچوویە و پشتی بەرسڤ نەدای، لدووڤ پەیرەوێ ناڤخوە و بەندێ (5)ێ کو مافی دەتە لقان کونفرانسێن خوە بگێڕن ئەگەر ھات و کونگرە نەھاتەکرن، لەوما ژڤانە ل رێکەفتی 29\1 کونفرانسێ لقێ دھۆکێ یێ سەندیکا ھونەرمەندان بھێتەگێڕان.
زیاد عابدی بۆ بەرپەرێ ھونەریێ رۆژناما ئەڤرۆ ھێشتا ژی گۆت: ئەنجامدانا کونفرانسێ ھونەرمەندان ژبەر دو ئەگەران بوویە، ئێک گەلەک پاشڤەمان کەفتە ڤێ دەستەکێ و چار سال بۆرین و مە نەڤێت زێدەتر بۆریت، دو دیسان مە دڤێت خوینەکا گەنج و تازە ژی بھێت کار بکەت، دا پرەنسیپێن دیموکراتی ھونەرمەند ب چەسپینن بەری ھەر تەخەکا جڤاکی.
