دھۆک و زاخۆ ئەڤرۆ د یاریێن تولڤەکرنێ دا ل گەل دو یانێن پایتەختێ کوردستانێ
ئەڤرۆ نیوز:
بریارە ئەڤرۆ دو یاری ژ چارگوشا زێرینا خولا فاستلینکا کوردستانێ بھێنەکرن دھۆک دێ بیتە مێڤانا پێشمەرگە سەرکێشا خولێ و زاخۆ ھەولێر دێ ل یاریگەھا زاخۆ یا نیڤدەولی ھەمبەری ئێک بەن.
ل یاریگەھا پێشمەرگا ھەولێرێ ل پیرمام تیما دھۆک و پێشمەرگا ھەولێرێ دێ یاریەکا ب ھێز ھەمبەری ئێک بن ھەردو تیم ئارمانجا ئەوان بتنێ دێ سێ خالێن یاریێ بن دھۆک بۆ بەردەوامی دانا ھەڤرکیا ئێک ژ رێزێن ئێکێ و دوێ و پێشمەرگە بۆ پاراستنا سەرێ لیستەیا چارگوشا زێرین.
ژلایەکێ دیڤە د یاریەکا تولڤەکرنێ دا تیما زاخۆ دێ ل یاریگەھا خوە مێڤانداریا یانا ھەولێرێ کەت کو د یاریا ئێکێ دا زاخۆ خوسارەت ببو ل گەل ھەولێر ب دو گولان بێ بەرامبەر، دڤێ یاریێ دا زاخۆ دخوازیت سەرکەفتنا خوە یا دوێ توماربکەت و ھیڤێن خوە گەشبکەت بۆ ھەڤرکی ل سەر ئێک ژ رێزێن ئێکێ و دوێ بەرامبەر ھەولێر ژی دخوازیت سەرکەفتنێ توماربکەت بەردەوامی ب دەتە ھەڤرکیا ناسناڤێ خولێ کو یاریا دووماھیێ ل گەل یانا پێشمەرگە ھەیە ل یاریگەھا خوە دەلیڤەیەکا مەزن ھەیە بۆ برنا ناسناڤێ خولێ لێ ب مەرجەکی ھەکە شیا دڤێ یاریێ دا سەرکەفتنێ توماربکەت .
