دھۆک گەھشتە رێککەفتنێ ل گەل یاریکەرەکێ مینا
ئەڤرۆ نیوز، ھەژار مەعروف:
دەستەیا کارگێریا یانا دھۆک گەھشتە رێککەفتنێ ل گەل کورێ باژێرێ دھۆکێ و یاریکەرێ یانا مینا غیاس شوکر پشتی یاریکەرێ ناڤبری دەست بەردانا خوە ژ یانا مینا وەرگرتی .
ژێدەرەکێ نێزیک ژ یاریکەری بۆ ئەڤرۆ نیوز دیارکر یاریکەر ل سەر داخوازیا خوە یانا ب جھـ ھێلا و دخوازیت جارەکا دی ڤەگەریتە کوردستانێ و تایبەت یاریێ ل یانا باژێرێ خوە یانا دھۆک بکەت . ھەمان ژێدەر ئەو چەندە ژی دیارکر یاریکەر ل سەر داخوازیا راھێنەرێ سوری ھەڤبەستا مینا ئیمزاکر بوو لێ ب دروستی نەشیا جھێ خوە د پێکھاتیێ تیمێ دا بکەت کو راھێنەری وێ تیمێ پتر پشت بەستن ل سەر یاریکەرێن خودان ناڤکرن ژبەر ڤێ چەندێ ژی یاریکەری خواست پێکھاتیێ ڤێ یانێ ب جھـ بھێلت.
ھەژی گوتنێ یە غیاس شوکر دەستپێکا ژیانا خوە یا وەرزشی ل گەل لاوێن و پێگەھشتێن زێرەڤانی بوو پاش ھاتبو ڤەگوھاستن ل دەستپێکا وەرزێ بوری بۆ ناڤ رێزێن یانا پێشمەرگا ھەولێرێ و وەرزێ ئەڤ سالە ھەڤبەستا یانا مینا یا بەسراوی ئیمزاکر بوو.
