دیرۆكا میدیا ل دهۆكێ هاته نیشادان
ئه‌ڤرۆ نیۆز، رێوار مزیرى:
رێڤه‌به‌ریا گشتى یاره‌وشه‌نبیرى و هونه‌رى ل دهۆكێ، رێڤه‌به‌ریا هونه‌رێ شێوه‌كارى ل دهۆكێ، گه‌له‌ریا دهۆك پێشانگه‌هه‌كا شێوه‌كارى ل ژێرناڤێ (دیرۆكا میدیا) دوهى 11/2/2016 بۆ هونه‌رمه‌ندێ شێوه‌كار (عامر فرسو) ل هولا شێوه‌كارى یا گه‌له‌ریا دهۆكێ ڤه‌كر و دێ بۆ ده‌مێ حه‌فتیه‌كێ ل هه‌مان جه یا به‌رده‌وام بیت.
هونه‌رمه‌ندێ شێوه‌كار، عامر فرسو بۆ ئه‌ڤرۆ نیۆز گۆت: “ملله‌تێ مه بتنێ ب رێیا پرتووكان دیرۆكا خوه دزانیت و هه‌موو كه‌س پرتووكان نا خوینن ژبه‌ر ڤێ چه‌ندێ ئه‌ڤرۆ من دیرۆكا ملله‌تێ مه د چه‌ندین كه‌ڤالێن شێوه‌كارى دا دیار كر، چونكو هه‌ر بابه‌ته‌كێ ببیته كه‌ڤال و مرۆڤ ته‌ماشه بكه‌ت چو جاران ژ بیرا مرۆڤى ناچیت”.
ناڤهاتى ئاماژه دا وێ چه‌ندێ ژى كو وى د ڤێ پێشانگه‌هێ دا نێزیكى 24 كه‌ڤالێن شێوه‌كارى نیشادابوون و گۆت:”ئه‌ڤه بۆ ده‌مێ دو سالان بوو ئه‌ز مژوولى چێكرنا كه‌ڤالێن ڤێ پێشانگه‌هێ بووم و هه‌ر ده‌مێ ئه‌ڤ پێشانگه‌هه ب دووماهى هات دێ كه‌ڤالێن من یێن د پێشانگه‌هێ دا هاتینه نیشادان ل مۆزه‌خانا قاچاخ ل دهۆكێ هێنه پاراستن”.
