دیوار ب سەردا دهێت خوار و گیانێ خوه ژ دەست د ده‌ت
ئەڤرۆ نیوز ،بارزان مزووری:
دوهی ب شه‌ڤ ل گوندێ “كفرێ” سەر ب ناحیا قەسرۆك دو سنێلە كارێ خراپكرنا دیوارێ مالێ د رابن ژ نیشكەكێ ڤە دیوار ل سەر وان دهێت خوار وسنێلەك بناڤێ”هەڤال عه‌بدولقادر ئەحمەد” د ژیێ 16 سالیێ دا گیانێ خوه ژ دەست دا سنێلەكێ دی ژی بریندار دبیت وبۆ نەخوه‌شخانا تەنگاڤیان ل دهوكێ دهێته ڤەگوهاستن د نها دا لبن چاڤدێریا چردایە .
عوبدولقادر ئەحمەد،بابێ (هەڤال)ى بۆ ئەڤرۆ نیوز گوت”ل دەمژمێر 6 مەغرەب پەیوەندی بمن هاته كرن كو كورێ من كەفتیە بن دیوارەكی ل گوندی وبۆ نەخوشخانا تەنگاڤیان هاتيه ڤەگوهاستن، پاشى جارەكا دی پەیوەندی بمن هاته كرن كو هەڤالی گیانێ خوه ژ دەست دایە، هەڤالێ وی ژی يێ بریندارە”.
خویاكر ژى” ئەز و دەیكا وی ل مال نەبووین، به‌لكو ل نەخوه‌شخانێ بووین لدهوكێ ژبۆ چارەسەركرنا كورەكێ مە یێ نەخوه‌ش ده‌مێ دەنگوباسێ مرنا (هەڤال) ى گه‌هشتيه مه”.
