دێ خزمەتا خێزانێن سەربلندێن شەهیدان كەم
دلڤین رەشید:
بەربژار رۆژان كچا شەهید زێوەر محمەد ئەمین گۆران ژ بنەمالاكا شۆڕەشگێر و پێشمەرگە یە، دەرچوویا زانكۆیێ پشكا زمانێ كوردی یە، ئەڤە بۆ ماوێ حەفت سالانە مامۆستایە، بەربژارا هەرژمار 11 یە بۆ پەرلەمانێ كوردستانێ ل سەر لیستا 190 یا پارتی دیموكراتی كوردستان.
بەربژار رۆژان شەهید زێوەر گۆران بۆ رۆژناما ئەڤرۆ دیار كر، لستا 190 ئەو لیستەیە یا كو دشێت ل پارشەرۆژێ ببیتە داكوكیكارا مافێ خەلكێ هەرێما كوردستانێ، كا چاوا د دەمێ دەرباز بووی دا بەڕەڤانی ژ ماف و دەستكەفتێن ڤێ هەرێمێ كریە، چونكو لیستا 190 لیستا كەسوكار و بنەمالێن شەهید و پێشمەرگەی و خەلكێ خەباتكەر و شۆڕەشگێرێن هەرێما كوردستانێ یە، لەرا ئەڤرۆ ئەز بەربژارم ل سەر لیستا جەنابێ سەروك بارزانی. هەكە خەلكی باوەری دا من و چوومە پەرلەمانێ كوردستانێ دێ ئێكەم پرۆژی من ئەو بیت خزمەتا خێزانێن سەربلندێن شەهیدان، و تەخا فەقیر و هەژاران و كەرتێ پەروەردە و فێركرنێ و هەموو چین و توێژان بكەم، بێ وەفا نەبم بەرامبەر دەنگێن وان كەسان یێن باوەری دایە من و ئەز ژی بەرامبەر وێ باوەریێ خزمەتەكی پێشكێشی وان بكەم.
ئاماژە كر كو بەربژاربوونا ئەفرەتێ د قوناغا ئەڤرۆ دا گەلەك یا گرنگە، چونكو شیانێن وێ كێمتر نینن ژ رەگەزێ بەرامبەر، ئەو ژی دشێت خزمەتا گەل و وەلاتێ خۆ بكەت، و ببیتە نوونەرا خەلكی د پەرلەمانی دا.
بەربژار رۆژان شەهید زێوەر گۆران گۆت ژی:(داخوازێ ژ جەماوەرێ هەرێما كودستانێ دكەم، ل رۆژا دەنگدانێ بچن چارەنڤیسێ خۆ مسۆگەر بكەن، دەنگێ خۆ بدەنە لیستا 190یا پارتی دیموكراتی كوردستان، چونكو لیستا پارتی تاكە لیستە بەڕەڤانێ ژمافێ خەلكێ كوردستانێ بكەت).
