دێ بیتە گرانترین یاریزان د مێژویا تەپا پێ دا
ئەڤرۆ:
یانا پاریس سانجێرمان یا فەرەنسی بەرھەڤیا خوە دیارکری یە یاریزانێ ھەلبژارتیێ بەرازیل و یانا بەرشەلۆنا نەیمار بکریت ب کوژمێ ١٥٣ ملیون جینێ ئیسترلینی کو ئەڤ کوژمە بتنێ مەرجێ فروتنا وی ژ یانا بەرشەلۆنا .
رۆژناما دیلی میل یا برێتانی دیارکری یانا فەرەنسی کوژمەکێ مەزن بەرھەڤکری یە داکو بشێن شیانێن نەیماری ب دەستخوڤە کو یانا فەرەنسی دێ ١٥٣ ملیون جینێ دەتە یانا کەتەلونی وەکو مەرجی فروتنا وی و یا بەرھەڤە موچەیەکێ سالانە ژی زێدەتر ژ ٣٠ ملیون جینێ پێشکێشی نەیماری بکەت .
ئەگەر ھاتو پاریس سانجێرمان د ڤەگوھاستنا نەیماری دا ب سەرکەڤت دێ نەیمار بیتە گرانترین یاریزان د مێژویا تەپا پێ دا کو ل سالا ٢٠١٣ یاریزانێ وێلزی گارس بێل ژ یانا توتنھام ب کوژمێ ٨٦ ملیون جینی ئیتسرلینی ھاتبو ڤەگوھاستن بۆ ریال مەدرید.
