دێ بەر ب ئیرانی ڤە چن
زاخۆ،ھشیار دوبانکی:
چاڤەرێ دھێتەکرن سوباھی خولێکدانا زاخۆ وەکو نووێنەرا ھەرێما کوردستانێ بەر ب وەلاتێ ئێرانێ بچیت ب مەرەما پشکداری کرنێ د دڤیستەڤالا تەھرانێ، خولێکدانێ زاخۆ ب دو تیمان دێ پشکداری د قارەمانیا خولێکدانێ دا کەت .
ل دۆر ڤێ چەندێ رەمەزان حەسەن راھینەرێ خولێکدانا زاخۆ بۆ روژناما ئەڤرۆ دبێژیت : ئەم وەکو نوونەرا ھەرێمی و ھەردیسان ب ناڤێ پارێزگەھا دھۆکێ دێ ب یازدە یاریکەران پشکداریێ د ڤیستەڤالا تەھرانێ دا کەین و دناڤا ڤێ ڤەیستەڤالێ چەند قارەمانی ھەنە ژ ئەوانا قارەمانیەکا خولێکدانێ یە و ب دو تیمان دێ پشکداریێ کەین و ھەر یازدە یاریکەر مە بەلاڤەکری نە ل سەر دو تیمان کو ئارمانجا مە سەرەکی ئەوە ب ھەردو تیمان بشێن ئەنجامێن باش ب دەستخوڤە بینن مە باوەریەکا مەزن یا ب شیانێن یاریکەرێن خوە ھەین.
ھەردیسان ناڤبری دیارکر ماوەکێ بەرھەڤیێن خوە کەین بۆ ڤێ قارەمانیێ ھەر چەندە ژبەر قەیرانا داری و نەبوونا قارەمانیا ل ڤێ سالێ ھەتا رادەکی یاریکەرێن مە زرارمەندبووینە و ب پشکداریا ڤێ قارەمانیێ دێ یاریکەرێن مە ھەمی یێن پشکدار دێ مڤایەکێ مەزن ژ ڤێ قارەمانیێ بینن.
