دێ خۆلا ئیتالیا بجهـ ھێلت

ئەڤرۆ نیوز:
کارلوس ئەنشلوتی راھێنەرێ یانا ناپولی یا ئیتالی دیارکر ستێرەکا یانا ئەوان نێزیکی ئیمزاکرنا یانەکا چینی بوویە ل ڤەگوھاستنێن بھێت.
زێدەتر راھێنەرێ یانا ناپولی بوو مالپەرێ کاتشیو مێرکاتو دیارکر یانەکا چینی نوکە د دانوستاندنان دایە ل گەل یانا ئەوان بوو ڤەگوھاستنا ستێرا وێ مارک ھامسیک بوو ماوێ بھێت.
ژلایەکێ دیڤە چەند رۆژنامەیێن ئیتالی دیارکریە یانا ناپولی بریار کریە د دەستێ ھامسیکی دا ھەر دەمێ ئەو یاریزان ل سەر داخوازیا یانا چینی رازی بوو یانە نابیتە رێگر د رێیا چوونا وی دا .
ھەردیسان ئەوان رۆژناما ئاشکراکریە ژی ئەو یانا چینی کوژمەکێ مەزن پێشکێشی ستێرا یانا ناپولی کریە و دبیت ئەو یاریزان ب وێ داخوازیا یانا چینی رازی بیت .

ھەژی گوتنێ یە ستێرا سلوڤیکی مارک ھامسیک ژ سالا ٢٠٠٧ وەرە یاری ل یانا ناپولی دکەت و د ماوێ ١٢ سالێن بوری دا وی یاریزانی ٥١٩ یاری کرینە و شیا ١٢١ گولا توماربکەت و ١١١ گول بوو ھەڤالێن خوە بەرھەڤکرینە و دھێتە ھژمارتن ئێک ژ بەرنیاسترین یاریزان د مێژویا یانا ناپولی دا

کۆمێنتا تە