دەرهێنەرەکێ كورد خەلاتەکێ جیهانی ب دەستڤە ئینا
ئەڤرۆ نیوز:
سەید گۆڤار وێنەگرەکێ باژێرێ هەولێرێ یە و ئەڤە دەمێ چەندین سالانە د وارێ فۆتۆگرافیێ دا كار دکەت و ب تایبەتی د وارێ فۆتۆیێ مۆدێلێ دا، دیسان ئەندامەکێ چالاك یێ رێكخراوا كوردستان فۆتۆیە، هەروەسا یێ هەڤكار بوویە، د گۆتنا چەندین خولان دا ژ بۆ پێگەهاندنا فۆتۆگرافەران.
دەرهێنەر سەید گۆڤار بۆ ئەڤرۆ نیوز دبێژیت: کورتە فلمێ (ئـــاوا) ئێکەمین ئەزموونا وی بوو، د وارێ چێکرنا فلمان دا، وی وەکو دەرهێنەر و فلیمێکەر دروست کریە، وی ب ڤی كورتە فلمی خەلاتێ ئێکێ، د فیستەڤالا (ھێدوێی شۆرت فلم) ل سەر ئاستێ عیراقێ، ژ روویێ تەکنیکێ ڤە وەرگرتیە.
هەروەسا گۆتیە: ئەڤ فیستەڤاله ل دەستپێکا سالا ۲٠۲٠ هاتبوو راگەهاندن كو بۆ باشترین وان فلمێن ژ روویێ چیرۆك، چەمكێ داهێنەر، نمایشا تەكنیكێ بوون، سەرکەفتیێ خەلاتێ ئێکێ ژی ۱٠٠٠ هزار دۆلارێن ئەمریكی وەرگرتینه.
