دەرگەهێ ئیبراهیم خەلیل پتر خزمەتا بازرگانێن بیانی كریە
هەرهین محەمەد:
سەرەڕای پێگەهێ ستراتیژی یێ پارێزگەها دهۆكێ وەكو دەروازەكێ گرنگێ بازرگانی، ئەڤرۆ كەرتی ئابووریێ وێ و ئاستەنگ دژوار بووینە. شوكری جەمیل، سەرۆكێ ژوورا بازرگانی یا دهۆكێ ژی تیشك خستنە سەر كێشەیێن سەرەكی یێن بازاڕی، ژ نەبوونا كۆگەهێن ساركرنێ كو زیانێ دگەهیننە جوتیاران، هەتا دگەهنە بڕیارێن دارایی یێن بەغدا و كێمبوونا متمانەیا بانكی كو بازرگانێن دەڤەرێ ئیفلیجی كرینە.
شوكری جەمیل سەرۆكێ ژوورا بازرگانی ل پارێزگەها دهۆكێ د دیدارەكا تایبەت دا ل گلە رۆژنامەیا ئەڤرۆ گۆت: كەرتی ئابووری ل دهۆكێ و پشكا شێری ژ مێژە دهۆك وەك پارێزگەهەكا سنوری كەفتیە سەر سنوورێ توركیا و سووریا، بازرگانیا مە هەروەسا د گەل عیراقێ، ئانكو ئەڤ دەروازە دهێتە نیاسین دەروازەیەكی نێڤدەولەتیە ب ناڤێ ئیبراهیم خەلیل، هەروەسا دەروازێ سەرزێری و دەروازێ مە یێ لایێ، سوریێ و ئابوورەكی باشێ پارێزگەها دهۆكێ هەیە ب كەرتی تایبەت و گشتی، دهۆكێ دوو خالێت گەلەك گرنگ هەنە، ئێك هاوردەكرنە یا دووێ ترانزێتە و ڕێژەیا هنارتنێ یا كێمە.
دیار كر، كەرتی چاندنێ مە دوو دەشتێن باش ل سەر ئاستێ دهۆكێ هەنە، وەكو دەشتا سێمێلێ و یا ڕەخێ دیێ گۆران دەشتا شێخان بەرهەمدارن و هەروەسا ئامێدیێ و زاخۆ، بەلێ ئەم دشێین بێژین هێشتا نەبووینە ستوونەكا سەرەكی یا داهاتی.
سەرۆكێ ژوورا بازرگانی گۆت ژی: دهۆك پێدڤی هزاران كۆگەهێن تەزیكرنێ یە، چونكو دهۆك باژێڕەكی چاندنێ یێ بەرفرەهە، ئانكو ئەگەر تو بێی سەحكەی ڕۆبەرێت دهۆكێ وەكو دەشتا كەلەكچی و ناوچەیا گۆران و د ماوێ ڤان چەند سالێن دووماهیێ دا وەبەرهێنەرەكێ خۆ بابەتێ پتاتان كریە خودان و هەماهەنگی ل گەل كومپانیەكا هۆلەندی كریە و بەرهەمەكێ مەزن بەرهەم دئینن و ئەو بەرهەمە ژی دهێتە هنارتن بۆ وەلاتێن وەكی ئیماراتێ و قەتەرێ و گەلەك وەلاتێن دی، هەر چەندە هنارتن یا ب زەحمەت ژی بوو، چونكو ئیراقێ هند ڕێ خۆش نەكربوو هندەك وەلاتێن وەكو باشورێ ئەفریقیا و سودانێ ئەڤ بەرهەمە دڤیا بۆ وان بهێتە رەوانەكرن ب ڕێژەكا باش و هەتا كو هاتنە كوردستانێ و سەحكرنە ڤی بەرهەمی ژی، بەلێ ڕێ ب وان نەهاتە خۆشكرن.
زێدەتژی گۆت: ژلایێ دارایی وكارگێری ڤە، مەزنترین ئەو ئاستەنگێن بازرگان ڕوی ب ڕوی دبیتێ ئەون د ناڤبەرا دوو تشتاندا، وەكو كێمبوونا پارێ كاش د بازاری دا، دوو بازرگان بۆچی نەشێت پلانەكا درێژخایەن بدانیت، چونكی بڕیارێت حكومەتێ ب تایبەت یێت حكومەتا عیراقێ بڕیارێت خۆ د گۆهوڕن و ئەم دبینین ژی كو شەڕەكێ ئابووری ل گەل هەرێما كوردستانێ هەی، و ئەڤ ڕێكارێت ل ڤێ دوماهیێ حكومەتا عیراقێ سەپاندین، یان ژی ئەم دشێین بێژین كو بابەت، بابەتەكێ سیاسیە، بۆنمونە ئەڤ ڕێكارێن سیستەمێ ئەسیكۆدا هەتا ڤێگاڤێ نەهاتین و هەروەسا ئەڤ ڕێكارێن دانانا زاڵگەها ، ئەڤە هەموو ئاستەنگن بۆ بازرگانی مە كو نەشێتن پلانەكا درێژخایەن ب دانیت. هەروەسا ود ئەڤی ماوەی دا هەتا ئەڤرۆكە بازرگانێ مە نەشێت ڤەگوهاستنەكێ بكەت ب ڕێیا بانكێ و ڤەگوگاستن تشتەكێ گرنگە.
ئەو چەندە ژی گۆت: ئەگەر بێژن بازرگانێ مە كو باوەری ب بەنكا نینە، ژبەر ئاریشەیێن بەنكان یێت سالا چوویی و قەیرانێت دارایی و یێت سالێن بوری و گەلەك بازرگانا پارێت خۆ ل بانكێت ئەهلی، هەروەسا د بانكێن حكومی ژی دا دانابوون و پارێن وان هاتنە بلۆككرن و د ماوێ درێژ دا پارێن وان مانە د بەنكان دا و حەوالێت وان دابەش نەبوون و گەلەك دووڤچوونا پارێت خۆ كرن د ناڤ وان بەنكا دا، ئانكو ئەو سیستەمێ حەوالەكرنێ یێ بەری ڤێگاڤێ كارتێكرنەكا مەزن ل بازرگانان كر كو باوەری پێ نەهێت.
بەردەوامی ب ئاخفتنا خۆدا و گۆت: دەروازێ ئیبراهیم خەلیل دەروازەكی سەرەكیە ل سەر ئاستێ پارێزگەها دهۆكێ و هەرێما كوردستانێ و ئیراقێ هەموویێ و ڕاستە ئەڤ دەروازە داهاتەكێ بۆ حكومەتێ دابین دكەت، بەلێ ئەگەر تو سەحكەیێ د ڕێیا بازرگانی دا خزمەتا بازرگانێ بیانی پتر یا كری، چونكو كۆمپانیێ بیانی هەموو بەرهەمێ خۆ دئیننە كوردستانێ دفرۆشن و پارێ خۆ یێ كاش ژ ناڤ دهۆكێ و كوردستانێ دكێشنە دەرڤە، ئانكو پێگەیێ بازرگانی مە یێ دهۆكێ پتریا وان وەكالەتن، ئەو وەكالەت ژی هەر وەكو عەمولە ل سەر دهێتە وەرگرتن بۆ وان بازرگانا دهێنە فرۆتن.
شوكری جەمیل گۆتژی: د دەمەكی دا ئەو كومپانیێن زەبەلاح نەبوون و ئەو كومپانیە ژی هەر گەنجەكی یێن چێكرین و گەنجێ نوكە هەكە هزربكەت دێ هەڤڕكیا ڤان كەت ب چەند هزار دۆلارەكان نەشێت ئەوێ هەڤڕكیێ بكەت، بەلێ شەنسێ كەرتێ تایبەت ب دووماهی نەهاتیە و یێ بەردەوامە د بوارێن تەكنۆلۆجیا، خزمەتگوزاریێن جودا، وەكو پڕۆژەیێن بچووك و ئەپڵیكەیشن، ماركێتینگ و كافیان دا، ئەڤ كارە د پاشەڕۆژێ دا دێ بنە پڕۆژەیێن مەزنتر ژ كۆمپانیان، لەوا دڤێت گەنجێن مە هزر بكەن، كار بكەن و مفا ژ تەكنۆلۆجیا و سیستەمێن ئەلیكتڕۆنی، كارگێڕی و ژیرییا دەستكرد (AI) وەربگرن.
