دەستەیا مافێ مرۆڤی داخوازا سزادانا کەسێن دەستدرێژی کریە سەر ژنەکێ دکەت
ئەڤرۆ نیۆز، قائید میرۆ:
بەری چەند رۆژان ل ناحیا پردێ یا سەر ب کەرکووکێ ڤە ھژمارەک چەکداران دەستدرێژیا سێکسی کریە سەر ژنەکا کێم ئەندام و ھندەک ژوان تۆمەتباران ھاتینە دەستەسەرکرن پەیڤدارێ دەستەیا مافێ مرۆڤی ژی خویاکر، پێدڤیە ئەنجامدەر بھێنە سزادان.
محەمەد گومەشینی، پەیڤدارێ دەستەیا مافێ مرۆڤی لھەرێما کوردستانێ ئەڤرۆ ینۆز دیارکر” مخابن لڕۆژێن بۆری چەند ژلایێ چەند کەسێن نەفس نزم ل ناحیا پردێ یا سەر ب کەرکووکێ دەستدرێژی بۆ سەر ژنەکا کێم ئەندام ھاتیەکرن، دوڤدا ب ڤیدیۆ ھاتیە بەلافکرن، پشتی دوڤچوونێ دیاربوویە کەسێن تاوان ئەنجامدای سەر ب ھێزێن ئەمنی و حەشدا تورکومانن.
پەیڤدارێ دەستەیا مافێ مرۆڤی ئاماژەکر” ئەم ئەڤێ تاوانێ شەرمەزار دکەین، ژبەرکو یا دوورە ژ ھەموو بەھایەکێن ئەخلاقی و مرۆڤی، بەرۆڤاژی ھەموو کەلتووریە، ئەڤە ددەمەکی دایە ئەرکێ ھێزێن ئەمنیە ژیانا مرۆڤان بپارێزن نەک دەستدرێژیێ بکەنە سەر.
محەمەد گومەشینی دبێژیت” مە داخواز ل کۆمسیۆنا بلندا مافێن مرۆڤی یا عێراقێ کریە چاڤدێریا بادەکا دەستدرێژیا سەر ئەڤێ ژنا ل پردێ بکەن، ھەتا تاوانبار گورەی قانوونێ بگەھنە سزایێ خوە.
