دەست ب سەر قومارخانەکا ئەلیکترونی دا هاتە گرتن
ئەڤرو نیوز، نەوزاد هلوری
ئەڤرو قایمقاميا ناڤەندا هەولێرێ و رێڤەبەریا نەهێلانا تاوانێن رێکخستی یا سەر ب ئاژانسا پاراستنا کوردستانێ و پشکا پولیسێن باژێرڤانیێ، دەست ب سەر قومارخانەکا ئەلیکترونی هاتەگرتن کو 20 کەسان تێدا کاردکر.
ب گورەی راگەهاندنەکێ کو ئەڤرۆ قایمقاميا هەولێرێ بەلاڤکریە، ئەو قومارخانە ل گوندێ ئینگڵیزی ل باژێرێ هه‌ولێرێ هاتیە گرتن، ئەڤە پشتی وێ یەک هات کو پێشتر بریارا قەدەغەکرنا قومارخانان دەرچویە و هەمی هاتینەگرتن.
د راگەهاندنا وان دا زێدەتر هاتیە: (لسەر ڤێ دوسیێ پێنج کەس هاتینەگرتن کو ئێک ژ وان ژنە، پەرێن ڤەکولینێ هاتیە ڤەکرن و دوسیە بو دادگەهێ هاتە رەوانەکرن و دەست ب سەر هەمی کەلوپەلێن وان ژی دا هاتیە گرتن).
