دەشنێ مۆراد : ئەڤە 10 سالە ئەز یا د عەزابێ دا

ئەڤرۆ:
سترانبێژا دووری وەلات دەشنێ مۆراد راگەھاند کو ئەگەرێن بێدەنگیا وێ بۆ دەمێ پتر ژ سالەکێ ب تنێ ژبەر نەباشیا رەوشا وێ یا ساخلەمیێ بوو، و گۆت: بۆ دەمەکی ل نەخوشخانەکا وەلاتێ ھولەندا من چارەسەریا خوە دکر.
ھەروەسا گۆت: دەمێ ئەز ل ھولەندا و بەری نەخوش ببم ب ھەڤکاریا ھندەک ھەڤالان مە گەلەک دەرگەە قوتان و نێزیکی 220 تەنێن پێدڤیێن مالێ خرڤەکرن و بۆ ئاوارەیان ھنارتن، ھەر ل وی دەمی من بزاڤکرن کارەکێ ھونەری بکەم، لێ مخابن وەسا چێنەبوو، لێ ئەز حەزژێکەرێن دەنگێ خوە پشت راست دکەم کو پشتی سەرێ سالێ دێ بەرھەمێن باش پێشکێشی وان کەم.
ل دۆر دوور کەفتنا خوە وەکو پێشکێشکار ل سەر شاشێ گۆت: دەمێ ئەز پێشکێشکار من گەلەک عەزاب دخار و دشێم بێژم ئەڤە دەە سال بوون ئەز دعەزابێ دا، چونکو گەلەکا ب زەحمەتە تۆ دناڤ جڤاکەکی دا بژی و تەدڤێت ھندەک تشتان بکەی لێ تۆ نەشیێ چنکو ھندەک سنۆر یێن ھەین ھەکە تۆ ژێ دەربازببی دێ دچاڤێ جڤاکی دا شکێی و خەلک دێ نەفرەتان ل تە کەت.
ل دووماھیێ بۆ رووداو گۆت: بەری چەند سالان ژی من گۆت بوو ئەز حەزدکەم شوو بکەم و من دڤێت ئەز ببمە دایک و زارۆ ژی ھەبن، بەلێ قسمەتە و ھەردەمێ خودێ نڤیسی دێ چێبیت.

کۆمێنتا تە