دەمیرتـاش دێ هێتە ئـازادکرن
باشاک دەمیرتاش هەڤژینا سەلاحەدین دەمیرتاش هەڤسەرۆکێ بەرێ یێ هەدەپێ کو چەندین سالان د زیندانێ دایە بۆ دەزگەهێن راگەهاندنا تورکیا دیار کر، ١٠ سالن سەلاحەدین دەمیرتاش د زیندانێ دایە و هەر کەس ژی دزانیت کو ئەو بێ تاوانە و ژ بەر هندەک ئەگەرێن سیاسی د زیندانێ دایە و هەتا نها ژی نەهاتیە ئازاد کرن.
هەڤژینا دەمیرتاشی ئەو یەک ژی دیار کر، سەلاحەدین دێ د زووترین دەم دا هێتە ئازاد کرن و چ نەمایە دێ هێتە ناڤ خەلکێ خوە، بێگومان سەلاحەدین رۆلەک سەرەک بۆ ئاشتیێ گێرایە و دیسان ژی پشتەڤانیێ ل قووناغا ئاشتیێ دکەت.
باشاک دەمیرتاش ئەو یەک ژی دیار کر، ئەو چاڤەرێ بوون بەری چەند مەهان دەمیرتاش بهێتە ئازاد کرن، لێ دیسان ژ بەر هندەک ئەگەرێن سیاسی ئازادکرنا وی هاتە گیرۆ کرن، لێ ئێدی چ نەمایە و سەلاحەدین دەمیرتاش دێ هێتە ئازاد کرن.
