دەمێ دەنگدانێ ب حوکمەتا عەلاوی هاتە دیار كرن
ئەڤرۆ نیوز:
دەستەیا سەرۆكاتیا پەرلەمانێ عێراقێ، رۆژا پێنجشەمبی بۆ دەنگدان ب حوکمەتا عەلاوی دیار كر.
ئەڤرۆ دوشەمبی 25 شواتا 2020 دەستەیا سەرۆكاتیا پەرلەمانێ عێراقێ کۆمبوو و بریاردا هەتا سێ رۆژێن دیتر محەمەد تۆفیق عەلاوى، ناڤێن وەزیرێن کابینا خوە پێشکێشى پەرلەمانی بکەت و ل رۆژا پێنچشەمبی د روونشتنەکا نەئاسایی دا دێ دەنگدان ل سەر هێتە دان، هەروەسا ژێدەرەکێ ژ پەرلەمانێ عیراقێ راگەهاندیە، کو بەرنامێ کابینا عەلاوی گەهشتیە سەرۆکاتیا پەرلەمانێ عیراقێ.
دوهی ئێکشەمبی، محەمەد حەلبوسی، سەرۆكێ پەرلەمانێ عێراقێ ب نڤیسارەکا فەرمی داخواز ژ ئەندامێن دەستەیا سەرۆكاتیا پەرلەمانی كربوو، کو ئەڤرۆ دوشەمبێ، ل دەمژمێر ١١ سپێدێ بۆ دیاركرنا رۆژا دەنگدانا پەرلەمانی ل سەر حوکمەتا محەممەد تۆفیق عەلاوی بەرهەڤی کۆمبوونێ بن.
