د روودانەکا ترافیکێ دا کەسەک ب گرانی برینداربوویە
ئه‌ڤرۆ نیۆز،عه‌زیز هه‌ورامی:
عه‌لی جه‌مال پەیڤدارێ پۆلیسێن كه‌لار بۆ ئه‌ڤرۆ نیۆز گوت،ئه‌ڤرۆ د روودانەکا هاتنوچوونێدا ل سه‌ر رێیا كه‌لار سلێمانیێ وەلاتیەک ب گرانی بریندار دبیت و ئەگەرێ روودانێ ژی ئەو بوو،کو بەرمیلەکێ نەفتێ ژ بیکابەکا نیسان دکەڤیتە سەر جادێ و ژ ئەگەرێ وێ چەندێ ترۆمبێلەکا کیا ل وی بەرمیلی ددەت و وەردگەریت و شۆفێرێ وێ ب گرانی بریندار دبیت.
پەیڤدارێ پۆلیسێن كه‌لار زێده‌تر گوت:په‌رێن ڤەکۆلینێ بۆ ڤێ روودانێ هاتینە ڤەکرن و شۆفێرێ وێ ترۆمبێلێ هاتیە رەوانەکرن بۆ نه‌خۆشخانا تەنگاڤیا ل سلێمانیێ،هەروەسا شۆفێرێ وێ بیکابێ رەڤیە و نەهاتیە گرتن.
