د روودانەکا ترافیکێ دا 21 کەس بوونە قوربانی
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا خویاکرن: د روودانەکا ترافیکێ دا 21 کەس بوونە قوربانی.
ناڤهاتی زێدەتر دیارکر: ئەڤرۆ پێنجشەمبی ١٥⁄١١⁄٢٠١٨ و ل دەمژمێر 4:45 ئێڤاری ل سەر جادا تەلوە بۆ دھۆک روودانەکا ترافیکێ دناڤبەرا دو ترومبێلان دا روودایە، کو ترۆمبێلەک ژ وان کوستەر ل گەل ترۆمبێلەکا تایبەت شوفرلێت بوویه و د ئەنجامدا سێ کەس گیانێ خوە ژ دەست دایە، کو دو زەلام و ژنەک بووینە، هەروەسا ١٨ کەسێن دیتر ژی بگرانی بریندار بووینە و هاتینە رەوانەکرن بۆ نەخۆشخانێ.