د روودانەکێ دا چار کەس بریندار دبن
. ئەڤرۆ نیوز ؍ عەلی حاجی :
ئەڤرۆ ئێکشەمبێ ژئەگەرێ روودانەکا ترافیکی د ناڤبەرا دو ترومبێلان دا ل سەر رێیا باوەردێ و گرشینێ چار کەس بریندار دبن و دهێنە رەوانەکرن بۆ نەخوه‌شخانێ .
ئازاد تەها؍ بەرپرسێ راگەهاندنا رێڤەبەریا یا هاتنوچوونا پارێزگەها دهوکێ بۆ ئەڤرۆ نیوز دیار کر ئەڤرۆ ئێڤاری ل نێزیک مفرەقا باوەردێ و گرشینێ ژئەگەرێ روودانەکا ترافیکی د ناڤبەرا ترومبێلەکا بەفرگر و ترومبێلەکا پرادو؍ چار کەس ژسەرنشینێن وان هەردوو ترومبێلان بریندار بوون و ژ وان ژی زارویەکە؍ پشتی تیمێن مە گەهشتینە جهێ روودانێ کەسێن بریندار بۆ نەخوه‌شخانا باژێرێ زاخۆ هاتنە رەوانەکرن .
گوت ژی : ئەگەرێ وێ روودانێ ژبەر وێ یەکێ بوو کو ترومبێلا پرادو دچیتە سەر سایدێ ترومبێلا بەفرگر و لێکدان د ناڤبەرا وان ترومبێلان دا دروست دبیت و پاشی ترومبێلا بەفرگر دوەرگەریێت؍ل گورەی پێزانیان کەسێن بریندار بووین ژی برینێن وان دسڤک بوون.
