د سالا بھێت دا پێشبینیا ڤان شەران د ھێتەکرن
ئه‌ڤرۆ:
گەلەک دەولەتێن جیھانێ ململانێن سیاسی و لەشکەری ھاتنە پێش، پتریا وان ململانا ژی ل دەڤەرێن عەرەبیە ژبەر پەیدابوونا رێکخستیێن دەولەتا ئیسلامی ل سەر نەخشێ جوکرافی یێ دەڤەرا عەرەبی و بەرفرەھبوونا وێ ل عیراق و سوریا، دبیتە ئەگەرێ مەترسیێ و ھلبوونا ئاگری و ململانا ل سالا بھێت دا.
• غەزە، داگیرکرنا ئێسرائیلێ: دووبارەبوونا شەرێ ئێسرائیلێ ل سەر کەرتێ غەزە ل ڤان سالێن بوری نیشانا ھندێ یە کو بارێ ڤێ دەڤەرێ نەیێ جھگیرە، لەوما پێشبینی دھێنەکرن شەرێ یێ بەردەوام بیت ھەتا سالا بھێت ژی.
• مسر، ئەسیوبیا: ئەو چارەیا ئاشتیانە دناڤبەرا مسرێ و ئەسیوبیا دا سەرکەفتن نەئینا ژبەر ئاڤاکرنا سکرێ نەھزە ئەڤێ دبیتە ئەگەر بۆ کیمکرنا گەھاندنا ئاڤێ بۆ نیل ئەڤ چەندە ژی دێ مسرێ بەرەف ئێک ژ سیناریویێن جەماوەری بەت تێدا گازیا مایتێکرنا لەشکەری بکەت بۆ دووماھیک ئینانا ڤێ قەیرانێ.
• ئەمریکا، رێکخستیێن دەولەتا ئیسلامی: ئەمریکا تاکە رێیا لەشکری گرتیە بەر بۆ دژایەتیکرنا کونترولکرنا دەولەتا ئیسلامی ل عیراقێ و سوریا ئەڤێ کو دبیتە مەترسیەک ل سەر لڤینا نەفتێ ل دەڤەرێ، نەتەوێن ئێکگرتی پالدایە ھەڤپەیمانیێ ل گەل ھژمارەکا دەولەتێن جیھانێ بکەت بۆ بەرسینکگرتنا رێکخستیێن ڤێ دەولەتێ.
• ئیران، رێکخستیێن دەولەتا ئیسلامی: بەرفرەھبوونا رێکخستیێن دەولەتا ئیسلامی ل پارێزگەھێن عیراقێ گەفا مەترسیێ ل سەر کونترولکرنا ئیرانێ بۆ دەستھەلاتێ ل عیراقێ، ئەڤا کو دبیتە بەرژەوەندیەک بۆ ئیرانێ بۆ پاراستنا شیعان، دیسا بھێزکرنا سەرمایەداریا ئیرانێ ل دەڤەرێ، ئەڤە ژی دبیتە جھێ پەیدابوونا ململانێ دناڤبەرا ئیرانێ و رێکخستیێن دەولەتا ئیسلامی بۆ پاراستنا بەرژەوەندیێن ئیرانێ.
• سعودیە، حوسین: دھێتە پێشبینیکرن سعودیە پێرابوونێن لەشکەری وەرگریت بۆ پاراستنا سنوورێن خوە ل گەل یەمەنێ لژێر سیبەرا زێدەبوونا کونترولکرنا چەکدارێن حوسی بۆ یەمەنێ.
• رۆسیا، ئوکرانیا: ئەڤ سالە شەروپێکدادانێن لەشکەری دناڤبەرا سوپایێ روسی و سوپایێ ئوکرانی رووداینە ل دۆر گزیرتا قەرەم ئەوا کو کەتیە بن دەستێ سوپایێ روسیا، لێ بارێ ئەمنی تەنا نەبوویە ئەڤە ژی دبیتە مەترسیێ ل پاشەرۆژەکا نێزیک.
• ترکیا، سوریا: دبیت ترکیا ب ھێزا لەشکەری سنوورێن خوە ل گەل سوریا پارێزیت بۆ راوەستاندنا ھاتنا پەنابەرێن کورد بۆ ناڤ سنورێ وان ژبەر شەرێ سوریا.
• کوریا باکور، کوریا باشور: شەر دناڤبەرا ھەر کورییان نە راوەستیایە ھەر ژ ئێکەم چریسکا ھەلبوونا وێ ل سالا ١٩٥٠ ێ ل سەر سنوران شەر روودەت، ئەڤە ژی دبیتە مەترسی و دبیت زێدە ل گەل ھەر دانا بریارەکا سیاسی یبا توند ژلایێ ھەردوو حوکمەتانڤە.