د شەش دەرگەھان را ھەرە د دلێ ژنێ دا

ئه‌ڤرۆ نيوز:

ھەتا تو بگەھیە دلێ ژنێ شەش کلیل ھەنە دا بشیێ دەرگەھێ دلێ وێ ڤەکەی و بچیە تێدا، ھەکە تە بڤێت بچیە د دلێ ژنەکێ دا ڤان کلیلا بکاربینە:
1- ھەست: دلێ ژنێ وەکو گولێ یە، دڤێت ب ھشیاری رەفتارێ د گەل دا بکەی، ئەو پێدڤی ب ئەڤینیێ یە، دەمێ ھەست ب دلینی و نەرماتیا تە دکەت دێ ب تەڤە ھێتە گرێدان، یا گرنگە سەرەدەریەکا نەرم و جوان د گەل دا بکەی، ب ھەر رێیەکا ھەبیت ھەستکرن ب ئەڤینیێ ئەرکە دا وەرار و پێڤەچوون ھەبن.
2- تێگەھشتن: حەواری و توندوتیژیێ د گەل ژنێ دا چو مفا نینن، لێکتێگەھشتن کلیلەکا سەرەکیە بۆ پەیوەندیەکا سەرکەفتی، پێدڤیە تو تێبگەھی کا چ دڤێت و سەرەدەریەکا نەرم و حەلیم د گەل دا بکە، ھێز و عینات دێ دوبەرەکیێ چێکەن.
3- پویتەدان: ژن حەز ژ وی زەلامی دکەت یێ پویتەی پێ ددەت، پێدڤیە پویتەدانا خوە بۆ دیار بکەی، دوژمنێ وێ ھەستکرنا ب تنێ و ترس و نەبوونا باوەریێ یە، ئەو ھەموو دێ دلێ کوژن، لەورا پێدڤیە نازان بۆ بکەی و گولان بۆ بینی و ھەلبەت نەھێلیە ب تنێ و بتایبەت رۆژێن بێھنڤەدان.
4- باوەری: بزاڤێ بکە نێزیکترین کەس بە بۆ دلێ وێ، وەبکە باوەری ب تە ھەبیت و ئەو ببیتە تەوەرێ ژیانا تە، ھەکە ئاریشە بۆ چێبوون پشتەڤانێ وێ بە، باوەری پالدەرێ سەرەکیە بۆ گەشھتنا دلێ ژنێ.
5- پاراستن: ب ھەر ئاوایەکێ ھەبیت پاراستنا وێ بکە، رێزێ ل نک مالبات و ھەڤال و زارۆیێن خوە لێ بگرە، کلیلا سەرەکی ل ڤێرێ ئەوە نەھێلە کەس چو گۆتنان بێژیتێ کو ھەستێن وێ بریندار بکەت، ژن حەز ژ وی زەلامی دکەت یێ پشتەڤانیێ لێ دکەت.
6- رۆمانسیەت: ھندی سالێن ھەڤژینیێ درێژ بن، ژن حەز دکەت پەیڤا حەز ژتە دکەم گوە لێبیت، بەرێخوە بدە چاڤێن وێ و بێژێ ئەز حەز ژ تە دکەم، دێ جارەکا دی دلێ خوە بۆ تە ڤەکەت.

کۆمێنتا تە