د فێستیڤالێ دا هندەك هنگڤینێ سەختە ب ناڤێ یێ خۆمالی دفرۆشن
سندس سالح سلێڤانەیی
خانما مێشەڤان (مریەم عەلی تیتان) كو ئێك ژ پشكدارێن فێستیڤالا تری و هنگڤینیی یە ل دهۆكێ، د دیدارەكێ دا بۆ رۆژنامەیا ئەڤرۆ گۆت: ئەڤە سالا دویێ یە ئەز پشكداریێ د ڤێ فێستیڤالێ دا دكەم و پشكداریا من یا ئەڤ سالە ب هژمارەكا جۆرێن هنگڤینێ خۆمالی یە، كو یێ دەڤەرا مە (ئێنیشكێ) یە و فێستیڤالا ئەڤ سالە ئەز ب باشتر ژ یا سالا بۆری دبینم.
ناڤهاتیێ گۆت: هنگڤینێ مە هەموو خۆمالی یە و مە چ دەستكاری تێدا نەكرینە، لێ مخابن لڤێ قێستیڤالێ هندەك پشكدار هەنە هنگڤینێ ئیرانی كیلۆ ب پێنج هزار دیناران كڕیە و ئیناینە ڤێرە ب ناڤێ خۆمالی یێ كوردی ئەرزانتر ژمە دفرۆشن و ئەوان كارتێكرن ل كارێ مەكریە و پێدڤیە ڕێگری ل وان بهێتە كرن یێن كو هنگڤینێ سەختە ب ناڤێ یێ خۆمالی دفرۆشن.
